Բժիշկը նշել է, թե ում համար կարմիր հաղարջը կարող է վտանգավոր լինել

Կարմիր հաղարջը խորհուրդ չի տրվում գաստրիտի, ստամոքսի խոցի և միզաքարային հիվանդության դեպքում, Gazeta.ru-ին ասել է սննդաբան Եկատերինա Գուզմանը։ Նա նշել է, որ այս հատապտղի նկատմամբ ալերգիան հազվադեպ է, բայց հնարավոր է։

«Չնայած բոլոր օգտակար հատկություններին, կարմիր հաղարջը նաև մի շարք հակացուցումներ ունի։ Օրգանական թթուների բարձր պարունակությունը կարող է գրգռել ստամոքսի և աղիների լորձաթաղանթը, ուստի հատապտուղը խորհուրդ չի տրվում սրացման ժամանակ գաստրիտի, ստամոքսի խոցի, կերակրափողի բորբոքման, կոլիտի և այլ ստամոքս-աղիքային հիվանդությունների դեպքում։ Կարմիր հաղարջը կարող է մեծացնել ստամոքսահյութի արտադրությունը, ինչը կարող է անցանկալի լինել հիպերթթվային գաստրիտի դեպքում։ Հատապտղի մեջ պարունակվող կումարինները կարող են ուժեղացնել հակակոագուլյանտների ազդեցությունը, ինչը կարող է վտանգավոր լինել հեմոֆիլիայով տառապող մարդկանց համար։ Կարմիր հաղարջը կարող է ուժեղացնել հակակոագուլյանտների ազդեցությունը, ինչը մեծացնում է արյունահոսության ռիսկը։ Հատապտղի մեջ պարունակվող թրթնջուկային թթուն կարող է նպաստել երիկամներում օքսալատային քարերի առաջացմանը։ Այս հատապտղի նկատմամբ ալերգիան հազվադեպ է, բայց հնարավոր է», - ասել է Գուզմանը։

Մարմնին վնաս չպատճառելու համար բժիշկը խորհուրդ տվեց օրական օգտագործել ոչ ավելի, քան 100-200 գրամ կարմիր հաղարջ։

Թարգմանությունը՝ Lurer.com-ի