Լեհաստանի արևելքում՝ Ուկրաինայի մերձակայքում, անհայտ օբյեկտ է ընկել և պայթել

Լեհաստանի արևելքում՝ Ուկրաինայի սահմանից մոտ 100 կմ հեռավորության վրա, անհայտ օբյեկտ է ընկել և պայթել, հաղորդում է Reuters-ը՝ վկայակոչելով Լեհաստանի տեղական ոստիկանության աղբյուրը:

Անհայտ օբյեկտը ընկել է Լուկով օկրուգի Օսինի գյուղի եգիպտացորենի դաշտում վրա և պայթել։ Դեպքի վայրում հայտնաբերվել են այրված մետաղական և պլաստմասե բեկորներ:

Reuters-ի տվյալներով՝ տեղում աշխատում են բեկորներն ուսումնասիրող փորձագետները։ «Մենք փորձում ենք պարզել՝ ինչ առարկա է դա», - հայտնել է աղբյուրը։