ԵՄ-ն կարծում է, որ բանակցությունները կձախողվեն, բայց աջակցում է դրանց Թրամփի պատճառով. Politico

Եվրոպական առաջնորդները չեն հավատում, որ Ռուսաստանը անկեղծ է Ուկրաինայի հարցով խաղաղության համաձայնագիր կնքելու իր մտադրություններում, սակայն նրանք հանդուրժում են ԱՄՆ նախագահ Դոնալդ Թրամփի փորձերը՝ համաձայնագիր կնքելու՝ հույս ունենալով, որ նա, ի վերջո, կհանգի նույն եզրակացություններին, ինչ ԵՄ-ն, գրում է Politico-ն։

Հրապարակման համաձայն՝ եվրոպացիները մշակել են «հաղթանակի» մոտեցում, որի շրջանակներում նրանք մտադիր են աջակցել և գովաբանել Դոնալդ Թրամփին՝ մինչև նա չհասնի այն եզրակացության, որ անհրաժեշտ է ավելի կոշտ դիրքորոշում ընդունել Կրեմլի նկատմամբ։

«Ծրագիրն այն է, որ համընթաց լինեն Թրամփի խաղաղության ջանքերին, մինչև նա հասկանա, որ Պուտինը լուրջ չի վերաբերվում պատերազմին», - ասվում է տեքստում։

Եվրոպացի պաշտոնյաներից մեկի խոսքով՝ եթե Ռուսաստանի նախագահը ցույց տա, որ չի ցանկանում վերջ դնել հակամարտությանը, դա կամրապնդի ԵՄ-ի դիրքորոշումը պատժամիջոցների վերաբերյալ և կստիպի Թրամփին գործել։