Ուկրաինայի 1,7 մլն կորուստների տվյալները կարող են լինել իրական
Քաղաքական
Ռուսաստանի Պետդումայի պաշտպանության կոմիտեի անդամ Անդրեյ Կոլեսնիկը հայտարարել է, որ հաքերների կողմից հրապարակված տվյալները Ուկրաինայի զինված ուժերի կորուստների մասին կարող են մոտ լինել իրականությանը։ Նրա խոսքով՝ Կիևը թաքցնում է կորուստների իրական թիվը, իսկ զոհվածների մի մասին անգամ գրանցում է որպես անհետ կորած՝ փոխհատուցումներից խուսափելու և հասարակությանը չանհանգստացնելու համար։
Ավելի վաղ հաղորդվել էր, որ ռուս հաքերները կոտրել են Ուկրաինայի Զինված ուժերի Գլխավոր շտաբի բազան և հրապարակել տվյալներ, ըստ որոնց՝ վերջին երեք տարվա ընթացքում Ուկրաինայի բանակը կորցրել է մոտ 1,7 միլիոն զինծառայող։ Կոլեսնիկի կարծիքով՝ այս թվերը «միլիմետրային ճշգրտությամբ չեն», սակայն բավական մոտ են իրականությանը։
Պատգամավորը հավելել է, որ հիմնական կորուստների իրական պատկերը սովորաբար պարզվում է տասնյակ տարիների ընթացքում, սակայն այս դեպքում ճշմարտությունը կբացահայտվի շատ ավելի շուտ։ Նշենք, որ նախկինում հաղորդվել էր նաև Ուկրաինայի ռազմական համակարգի՝ «Դելտա» ծրագրի կոտրման մասին, որը կիրառվում է զորքերի ղեկավարության և դիրքերի վերահսկման նպատակով, հայտնում է Лента.ру-ն։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
