Եվրոպական F-16-ները պատրաստ չեն դուելի Su-35-ի հետ. Ուկրաինա

Ուկրաինական «Վերջին բաստիոն» պարբերականը հրապարակում է ներկայացրել, որտեղ նշվում է, որ եվրոպական երկրներում ծառայող արդիականացված F-16 կործանիչները չեն կարող արդյունավետորեն դիմակայել ռուսական Su-35С ինքնաթիռներին։ Նյութը փոխանցում է ИноСМИ-ն։

Հրապարակման մեջ նշվում է, որ Եվրոպայի մեծ մասը գնել է F-16-ներ՝ Block 10/15 փաթեթով, որոնք հետագայում արդիականացվել են MLU ծրագրի շրջանակում՝ հասցվելով Block 50/52 մակարդակին։ Դրանք ստացել են նոր պաշտպանական համակարգեր և ժամանակակից «օդ-օդ» ու «օդ-երկիր» հրթիռների կիրառման հնարավորություն։ Սա եվրոպական F-16-ներին տվել է առավելություն հին МиГ-29 և Су-27 ինքնաթիռների նկատմամբ։

Սակայն, ինչպես շեշտում է պարբերականը, դա բավարար չէ, որպեսզի մրցակցեն ռուսական Su-35С-ի հետ․ վերջինս ունի ավելի հզոր ռադարներ և երկար հեռահարության հրթիռներ, որոնք տալիս են անհերքելի առավելություն։ Ավելի վաղ «Ростех»-ը հայտնել էր, որ Su-35 կործանիչները, զուգահեռ գործելով Su-34 ռմբակոծիչների հետ, թույլ չեն տալիս հակառակորդին մոտենալ կրակային դիրքերին։