Մոսկվայի դատարանը էսկորտ ծառայությունները հավասարեցրել է մարմնավաճառությանը

Մոսկվայի դատարանը որոշում է կայացրել, ըստ որի էսկորտ ծառայություններ մատուցող կանայք փաստացի համարվում են մարմնավաճառներ։ Ինչպես փոխանցում է Mash Telegram-ալիքը, այս որոշման շրջանակում արգելափակվել է հինգ կայք, որտեղ աղջիկները ներկայացել էին որպես «տրավել-բլոգերներ», սակայն իրականում առաջարկել են վճարովի ծառայություններ։

Դատարանի վճռի մեջ նշվում է, որ նման տեղեկատվությունը համարվում է մարմնավաճառության քարոզ, որն իր հերթին վնասում է հասարակական բարոյականությանը և քաղաքացիների առողջությանը։

Ավելի վաղ հաղորդվել էր նաև, որ ուկրաինական հետախուզությունը սկսել է սեքս-աշխատողներին ներգրավել տվյալների հավաքագրման նպատակով։