Հյուսիսային Կարոլինայում սպանվել է ուկրաինացի փախստական աղջիկը

ԱՄՆ Հյուսիսային Կարոլինա նահանգում դաժան սպանության զոհ է դարձել 23-ամյա ուկրաինացի փախստականը։ Ինչպես գրում է The New York Post, երիտասարդ կնոջը՝ Իրինա Զարուցկային, դանակահարել է անօթևան տղամարդ՝ տրանսպորտային կանգառի տարածքում։

Դեպքը տեղի է ունեցել երեկոյան ժամը 22:00-ի սահմաններում․ աղջիկը ստացել է բազմակի դանակի հարվածներ և մահացել է տեղում։ Զարուցկան ԱՄՆ էր տեղափոխվել՝ փախչելով պատերազմի և փնտրելով անվտանգ կյանք։

Ավելի վաղ ռուս քաղաքական վերլուծաբան Ալեքսանդր Ասաֆովը կանխատեսել էր, որ արևմտյան երկրներում ուկրաինացի փախստականներին կարող են սպասել բարդ ժամանակներ։ Նրա խոսքով՝ մի շարք հասարակություններում արդեն հնչում են կոչեր՝ սահմանափակելու աջակցությունը կամ նույնիսկ քննարկելու փախստականների վերաբնակեցումը այլ տարածաշրջաններում։