«Իլհամ Ալիևի այս պահանջը նույնպես ընդունվել է Հայաստանի կողմից». Ադրբեջանի վարչապետ

Վաշինգտոնում Ադրբեջանի, ԱՄՆ-ի և Հայաստանի առաջնորդների մասնակցությամբ եռակողմ գագաթնաժողովից հետո ստորագրված համատեղ հռչակագրի ամենակարևոր դրույթներից մեկը վերաբերում է տարածաշրջանում տրանսպորտային և հաղորդակցության ուղիների բացմանը։

Ինչպես հաղորդում է Report-ը, այս մասին հայտարարել է Ադրբեջանի վարչապետ Ալի Ասադովը Վաշինգտոն կատարած նախագահի այցի արդյունքներին նվիրված կառավարության հատուկ նիստում:

««Հայրենական պատերազմից հետո» (նկատի ունի Արցախի օկուպացիան – խմբ․) նախագահ Իլհամ Ալիևը բազմիցս և վճռականորեն հայտարարել է, որ պետք է ապահովվի Ադրբեջանի հիմնական մասից դեպի Նախիջևանի Ինքնավար Հանրապետություն անխոչընդոտ ցամաքային անցումը: Չնայած բոլոր դժվարություններին, անհամաձայնություններին և տարբեր դիրքորոշումներին, պետության ղեկավարի ց հայկական կողմի կողմից», - հայտցարարել է Ասադովը։

Նա հավելել է, որ Վաշինգտոնում ստորագրված փաստաթուղթը հստակորեն ընդգծում է Ադրբեջանի հիմնական մասի և Նախիջևանի Ինքնավար Հանրապետության միջև «անարգել և հուսալի հաղորդակցության կարևորությունը»։

«Այդ նպատակով նախատեսվում է Միացյալ Նահանգների կողմից աջակցվող հատուկ ենթակառուցվածքային նախաձեռնություն՝ «Թրամփի ուղին» (TRIPP): Սա էական փոփոխություններ կստեղծի ոչ միայն Ադրբեջանի, այլև ամբողջ տարածաշրջանի տնտեսական և աշխարհաքաղաքական քարտեզի վրա», - նշել է երկրի վարչապետը։

Նա նաև նշել է, թե մարտի դաշտում Ադրբեջանի  բանակի կողմից ձեռք բերված հաղթանակները պաշտոնապես ամրագրվել են Վաշինգտոնում՝ ԱՄՆ նախագահի մասնակցությամբ և ստորագրությամբ։