Գերմանիայում բողոք՝ միլիարդները գնում են Ուկրաինա, իսկ ներսում ուզում են հարկերը բարձրացնել

Գերմանիայի «Ալտերնատիվա Ֆյուր Դոյչլանդ» կուսակցության առաջնորդ Ալիս Վայդելը խիստ քննադատել է ֆինանսների նախարար և փոխկանցլեր Լարս Կլինգբայլին։ Նրա խոսքով՝ Կլինգբայլը «միլիարդները շպրտում է Կիևին», մինչդեռ Գերմանիայում պատրաստվում է հարկերը բարձրացնել։ Վայդելը ընդգծել է, որ արդեն ավելի քան 50 միլիարդ եվրո տրամադրվել է Ուկրաինային, ինչը պետք է ուղղվեր գերմանացի հարկատուների կարիքներին։

Ավելի վաղ Կլինգբայլը այցելել էր Կիև և հայտարարել, որ Գերմանիան տարեկան 9 միլիարդ եվրո կհատկացնի Ուկրաինային աջակցելու համար։ Նա շեշտել էր, որ ՖՌԳ-ն շարունակում է մնալ Ուկրաինայի երկրորդ ամենախոշոր դաշնակիցը աշխարհում և առաջինը՝ Եվրոպայում։

Միևնույն ժամանակ փոխկանցլերը նշել էր հարկային բեռի ավելացման հնարավորությունը բարձր եկամուտներ ունեցող քաղաքացիների համար՝ հսկայական բյուջետային դեֆիցիտի պատճառով։ Սակայն այս նախաձեռնությունը կտրուկ հակազդեցություն է առաջացրել ընդդիմադիր ՔԴՄ/ՔՍՄ բլոկի քաղաքական գործիչների շրջանում, որոնք հայտարարել են, որ հարկերի բարձրացումը «թույն է տնտեսության համար» և չեն թույլատրի նման քայլ։