ԱՄՆ կոնգրեսականները աճող վտանգի տակ են. Fox News

Ամերիկյան կոնգրեսականների հասցեին հնչող սպառնալիքների թիվը վերջին տարիներին զգալիորեն աճել է։ Ինչպես հայտնում է Fox News-ը՝ միայն 2024 թվականին Կապիտոլիումի ոստիկանությունը հետաքննել է ավելի քան 9 հազար սպառնալիք, ինչը 18 տոկոսով շատ է նախորդ տարվա համեմատ։

Սպառնալիքները վերաբերում են թե՛ Հանրապետական, թե՛ Դեմոկրատ օրենսդիրներին։ Յուտա նահանգի դեմոկրատ սենատոր Սթեֆանի Փիչերը պատմել է, որ ինքը և իր գործընկերները ենթարկվել են համացանցում հետապնդումների։ Որոշ կոնգրեսականների նկատմամբ սկսվել է նաև ֆիզիկական հսկողություն, և ոստիկանությունը ստիպված է եղել հսկել նրանց տները։

Նշվում է, որ սա մաս է կազմում ԱՄՆ-ում քաղաքական բռնության աճող միտման։ Հունիսի 14-ին, օրինակ, անհայտ անձը, ներկայանալով որպես ոստիկան, զինված հարձակվել էր Ներկայացուցիչների պալատի անդամ Մելիսա Հորթմանի և նրա ամուսնու վրա։ Երկուսն էլ մահացել էին ստացած վնասվածքներից, իսկ հանցագործի մեքենայում հայտնաբերվել էր 70 թիրախի ցուցակ՝ պետական այլ ծառայողների անուններով։