Հոգևորականները հարձակվել են Կարեն Պետրոսյանի վրա (տեսանյութ)
Տեսանյութեր«Նոր Հայաստան, նոր հայրապետ» նախաձեռնության անդամ Կարեն Պետրասյանի վրա են հարձակվել մի խումբ հոգևորականներ։ Այս մասին ԼՈւՐԵՐ․com-ի հետ զրույցում ասաց Կարեն Պետրոսյանը։
Նա նշեց, որ ցանկացել է մտնել Դիվանատան շենք, սակայն պահակը թույլ չի տվել։ Դրանից հետո նրա վրա են հարձակվել սարկավագները։
«Ես նրանց ասացի՝ եթե օրենքի խախտում եմ արել, դիմեք ոստիկանություն։ Բայց նրանք իրավունք չունեն արգելելու մուտք գործել Մայր Աթոռ, որովհետև դա մեր՝ ժողովրդի տարածքն է»,-ասաց Պետրոսյանը։
Նա նաև նշեց, որ իրենց վրդովմունքի առիթն այս պահին Սուրբ Գեղարդը վաճառելն է։
«Դիվանապետը խոստովանեց, որ մեր ազգային հարստությունը՝ Սուրբ Գեղարդը կտրել և ուրիշին են նվիրել, բայց մենք գիտենք, որ դա կաթողիկոսը վաճառել է։ Մենք կոչով դիմել ենք ՀՀ վարչապետին, ԱԱԾ-ին այս թալանի վերաբերյալ»,-ասաց Պետրոսյանը։
Ամենադիտված 
Մնաս բարյավ. Րաֆֆի Հովհաննիսյան
