Պետդեպարտամենտը աշխատակիցներին խնդրել է մատնել «հակաքրիստոնեական կողմնակալությամբ» գործընկերներին. Politico

Պետդեպարտամենտի աշխատակիցներին խնդրել են անանուն կերպով զեկուցել «հակաքրիստոնեական կողմնակալություն» դրսևորող գործընկերների մասին, հայտնում է Politico-ն։

Այս բովանդակությամբ հեռագիր ուղարկվել է ԱՄՆ դեսպանատներին ամբողջ աշխարհում, ինչպես նաև որպես ծանուցում՝ ուղարկվել է Պետդեպարտամենտի բոլոր աշխատակիցներին։ Հեռագրում խնդրում են կիսվել հնարավորինս շատ մանրամասներ՝ անուն, ամսաթիվ, դեպքի վայր։ Այնտեղ նշվում է, որ կրոնական համոզմունքների համար հետապնդումները խտրականություն են և հակասում են ԱՄՆ Սահմանադրությանը:

«Սա շատ նման է The Handmaid’s Tale-ին (գիրք, հեռուստասերիալ-խմբ.)»,- հրապարակմանը ասել է Պետդեպարտամենտի աղբյուրը։