Որոշել են վատ ձևակերպված նախադասության վրա քաղաքական «աչոկներ» հավաքել․ Նիկոլ Փաշինյանը՝ Սասուն Միքայելյանի հայտարարության մասին (տեսանյութ)

ՀՀ վարչապետի պաշտոնակատար Նիկոլ Փաշինյանն իր ֆեյսբուքյան էջի ուղիղ եթերում ամփոփեց քարոզարշավի առաջին օրը և հայտնեց, որ վաղը՝ նոյեմբերի 27-ին քարոզարշավը կանցկացնի Լոռվա մարզում։ 

Այնուհետև Նիկոլ Փաշինյանն անդրադարձավ Սասուն Միքայելյանի հայտարարությանը․

«Սասուն Միքայելյանը ինքն էլ զգաց, որ մի փոքր, ոչ այնքան ճշգրիտ ձևակերպում է արել, ոչ այնքան հաջող և ինքն էլ ուղղեց իր ձևակերպումը՝ ասելով, որ ինքը նկատի ուներ, որ ապրիլյան հեղափոխությունը շատ կարևոր էր Արցախյան ազատամարտի արդյունքները արձանագրելու առումով և ոչ թե հակառակը, և, անկեղծ ասած, չեմ հասկանում այս ճշգրտումներից հետո, ինչու են որոշ մարդիկ ոգևորվել։ Որոշել են վատ ձևակերպված նախադասության վրա քաղաքական աչոկներ հավաքել, թույլ չեմ տալու։ Զինվորի հացը գողացածները դատվելու են հերթով և հիմա նրանք, որոշել են իրենց հայրենասիրական պիտակների ներքո ներկայացնեն։ Նրանց թվում է, որ սա առիթ է ոգևորվելու համար, չոգևորվեք։ Էտ մի ախադասությունով շուռ եկա՞վ աշխարհը, որ 20 տարի թալանել եք բանակը, ոչ մի բան տեղի չէր ունենո՞ւմ»։