Պենտագոնի ղեկավարը Չինաստանին մեղադրել է գլոբալ ռազմական նկրտումների մեջ

Պենտագոնի ղեկավար Փիթ Հեգսեթը հայտարարել է, որ Չինաստանն ունի գլոբալ ռազմական հավակնություններ, որոնք  դրսևորում է Արևմտյան կիսագնդում և ցուցադրում տիեզերքի ուղղությամբ: Հաղորդում է «ՌԻԱ Նովոստի»-ին։

«Նրանք շահագործում են ռազմական հաստատություններ և ցամաքային կայանքներ, որոնք ընդլայնում են նրանց մուտքը տիեզերք»-,  հայտարարել է Հեգսեթը՝ Պանամա կատարած այցի ընթացքում։ 

«Մենք Չինաստանի հետ պատերազմ չենք փնտրում և այն հաստատ անխուսափելի չէ։ Բայց միասին մենք պետք է ամուր դիմակայենք այս կիսագնդում Չինաստանի սպառնալիքին», - ասել է ամերիկյան ռազմական գերատեսչության ղեկավարը։ 

Ինչպես հայտարարել է Հեգսեթը, Թրամփի դիրքորոշումն այն է, որ Պանամայի ջրանցքը չպետք է «վերահսկվի Չինաստանի կողմից»: «Սա գլոբալիզմ չէ, սա ինտերվենցիոնիզմ չէ, համատեղ ազգային շահերի Ոսկե դար է։ Մենք ուզում ենք, որ սա լինի Ոսկե դար մեր երկրի և այս կիսագնդի համար: Մենք ցանկանում ենք, որ Ամերիկան մեծ լինի», - ասել է Հեգսեթը։