«Մենք պատրաստ ենք մեր երեխեքին փնտրելու՝ կապ չունի մահացած են, կտրտված, թե ողջ, մենք վատթարագույնին ենք պատրաստ»

«Հոկտեմբերի 7-ից մինչև հիմա տղես չկա: Ոչ մի տեղեկություն չունեմ իրենից, մենակ գիտեմ, որ 3 դիրք են գրավել ու արկ ա ընկել, տղայիս ոտքերը, ճիշտ ա, չկան, բայց ինքը ողջ ա եղել: Տղայիս ընկերները ցանկացել են օգնել, բայց ասել են՝ մի՛ օգնեք, թիկունքից հիմա կգան կօգնեն, ու այդպես էլ ոչ մեկ չի եկել»,- այս մասին ասաց անհետ կորած Նարեկ Գևորգյանի հայրը, որը Կառավարության դիմաց փորձում է ինչ-որ տեղեկություն ստանալ իր որդուց: 

Վերջինս նշեց, որ բոլորն էլ գիտակցում են, որ պատերազմ է, կարող է նման բան պատահել, բայց պետք է քայլեր ձեռնարկվեն երեխաներին գտնելու ուղղությամբ. «Այսօր ամեն ծնող մեկի դուռն ա գնում, որ մի հատ նորություն իմանա, ոնց որ ասում են մի չնչին նորությունն էլ մեր համար մեծ բան ա: Ես հրամանատարությանը ասել եմ, որ իրենց հետ պետք է մտնեմ Ջաբրայիլ մեր երեխեքին փնտրեմ իրենց հետ, կապ չունի տղաս սաղ կլինի, թե չէ»,- նշեց անհետ կորած զինվորի հայրը:

Լրագրողների հետ զրույցում, նա նաև նշեց, որ ռուսական խաղաղապահների հետ պետք է նաև իրենք մտնեն այդ տարածքները՝ երեխաներին փնտրելուն. «Ես այսօր ոչ մեկին չեմ վստահում, որ մտնեն մեր երեխեքին հանելու: Այսօրվա դրությամբ մեզանից լավ ոչ մեկ չգիտի տեղանքը, որ մտնի մեր երեխեքին հանի: Մենք հիմա պատրաստ ենք մեր երեխեքին փնտրենք, կապ չունի մահացած կլինեն, կտրտված կլինեն, թե սաղ կլինեն, մենք վատագույնին ենք պատրաստ»,- նշեց նա:

Հիշեցնենք, որ արդեն քանի որ է, ինչ անհետ կորած զինվորների ծնողները, ՊՆ-ի, Ռուսաստանի դեսպանատան և Կառավարության դիմաց փորձում են տեղեկություն ստանալ իրենց երեխաներից:

Այս թեմայով Ձեր համածառայակիցներից մինչև օրս չգտնված անհետ կորածներ կան. Ռոբերտ Հայրապետյան Սյունիքի Տաշտուն գյուղի կորած բնակիչը անվնաս հայտնաբերվել է Ուզում եմ մեր խոնարհումը հայտնել վիրավոր զինվորներին, զորակցություն՝ անհետ կորածների ծնողներին. Բագրատ Սրբազան (տեսանյութ) Հայտնաբերվել է որպես անհետ կորած որոնվող 2006 թ. ծնված աղջիկը Շարժման քայլերթին են միացել նաև զոհված զինծառայողների հարազատները (տեսանյութ) Եթե մենք ոտքի չկանգնենք, ապա կորած ենք. երթին է միացել նկարիչ-դիզայներ Արման Նուռը Անժելա Բիձյանը որոնվում է որպես անհետ կորած (տեսանյութ) Երևանում կորած համարվող Ջաթին Շարման հայտնաբերվել է Ջրվեժի ձորում հայտնաբերվել է որպես անհետ կորած որոնվող 56-ամյա տղամարդու հոշոտված մարմինը Ջաթին Շարման որոնվում է որպես անհետ կորած