Վախեցեք Փաշինյանի խոստումներից, դրանք փլուզելու, աղետի հասցնելու ունակություն ունեն

«Վախեցեք Փաշինյանի խոստումներից և հայտարարություններից։ Կյանքը ցույց է տալիս, որ Փաշինյանի ցանկացած խոստում վտանգավոր է այդ ոլորտի փլուզման հեռանկարով։ Նա քանդում, ավիրում է այն ամենը, ինչի մասին որևէ խոստում է տալիս։

2018թ. օգոստոսին Փաշինյանը խրոխտ ձայնով հայտարարում էր, որ Արցախը Հայաստան է և վերջ։ 2020թ. նոյեմբերին մենք արդեն կորցրել ենք Արցախի 75 տոկոսը։

2019թ. Փաշինյանը հայտարարում էր, որ մենք պետք է ունենանք տարածաշրջանի ամենամարտունակ և ամենաինտելեկտուալ բանակը, իսկ 2020թ. հուլիսին վերահաստատում էր, որ բանակը ամենամարտունակն է, այսօր մեր սահմանների պաշտպանությունը մնացել է հովիվների հույսին, հովիվն է դիմավորում ադրբեջանցիների առաջխաղացումը։

2021թ. մայիսի 3-ին նա կոշտ արձագանքեց առաջնագծի կահավորման վերաբերյալ հարցին, հայտարարելով, որ ինչ պետք է, անում են և ոչ-ոք չի կարող տեսնել այն ամենը, ինչ արվում է։ Արվողի հսկայական մեծամասնությունը արվում է գաղտնի։ 2021թ. մայիսի 12-ին ադրբեջանական զորքերը առանց որևէ դիմադրության հատեցին մեր պետական սահմանը և մինչ օրս շարունակում են դիրքավորվել մեր տարածքում։

2019թ. հունիսի մեկին Փաշինյանն ասում էր. «Կեցցեն մեր երեխաները, որ ապրել և ապրելու են ազատ և երջանիկ Հայաստանում», պատերազմը ժամանակին չկանգնեցելու պատճառով զոհեց նրանցից 5000-ին։ Իսկ ազատ և երջանիկ Հայաստանը հասցվեց աղետի։

Այսօր արդեն Փաշինյանը նախընտրական խոստումների շրջանակներում հայտարարում է, որ բոլոր երեխաները մինչև 2025թ. կրթությունը պետք է սկսեն մսուրից, եթե պետք լինի կառուցելու է 400 մանկապարտեզ, մանկապարտեզաշինության և դպրոցաշինության համար եթե պետք լինի արտաքին պարտք կվերցնի, ուսուցիչները ատեստավորման արդյունքներով կստանան 30-50 տոկոս բարձր աշխատավարձ, գիտության, գիտաշխատողների ֆինանսավորման, աշխատավարձային ֆոնդը մինչև 2025թ. կքառապատկի, կստեղծի ակադեմիական քաղաք, պրոֆեսիոնալ բանակ, և այլն, և այլն։

Սրանք Փաշինյանի հերթական ստերն են, որոնք երբևէ իրականություն չեն դառնալու։ Այնպես, ինչպես իրականություն դառնալու որևէ շանս չուներ և չունի նրա մինչև 2050թ. Հայաստանի վերափոխման ռազմավարությունը։

Վախեցեք Փաշինյանի խոստումներից, դրանք փլուզելու, աղետի հասցնելու ունակություն ունեն»։

Այս թեմայով Մենք մեր ընկերներով Տիգրանաշենում ենք․ ՀՅԴ ԳՄ անդամ Գերասիմ Վարդանյան (տեսանյութ) Իշխանության և Ալիևի ուզածը նույնն է. կատաստրոֆիկ է, երբ քո երկրի ղեկավարին ուղղորդում է մարդ, ով պատերազմել է քո երկրի հետ. Արման Վարդանյան (տեսանյութ) Այս սրբազան շարժումը մարմնավորում է ավելի քան 10 000 000 հայերիս՝ հզոր ու մեծ Հայաստանի ընդհանուր երազանքը. «Միասնություն» ազգային շարժում Շարժումն ունի առաջնորդ, ունի ոգի, ունի նպատակ, մնում է միայն չխանգարել․ Արա Վարդանյան Արդեն ՀՀ-ում դիմակավոր բանդաներն են հարցեր լուծում ու անում են իրավապահների թողտվությամբ. Վարդանյան (տեսանյութ) Այս շարժումը բոլորիս մասին է. Էլինար Վարդանյան Ի՞նչ էիք կարծում, որ գնաք Նիկոլի հետ հանդիպման հայրենասիրությունն ա արթնանալո՞ւ մեջը․ Տիգրան Վարդանյան Միջազգային ճնշումը պետք է շարունակվի. Դավիթ Վարդանյանը France 24-ի եթերում խոսել է Ռուբեն Վարդանյանի հացադուլի մասին Ռուբեն Վարդանյանը համաձայնել է ընդհատել հացադուլը. նրան թույլ է տրվել խոսել ընտանիքի հետ «Ով մտածում է՝ հայկական չի, իրա ․․․»․ Գերասիմ Վարդանյան (տեսանյութ)