Աշխարհը երբեք չի լինի այնպիսին, ինչպիսին մինչև փետրվարն էր. Ալիևի հերթական ապտակը Մոսկվային

Ադրբեջանի նախագահ Իլհամ Ալիևը հայտարարել է, որ ռուս-ուկրաինական պատերազմը մեծապես կփոխի հետագա իրավիճակը աշխարհում։

«Իհարկե, դժվար է նախապես կանխատեսել, թե ինչպիսին կլինի գլոբալ նոր իրավիճակը։ Պարզ է միայն, որ աշխարհը երբեք չի լինի այնպիսին, ինչպիսին մինչև փետրվարն էր։ Աշխարհը փոխվել է, և այդ փոփոխությունների շարժը կախված է հետևյալ գործոններից՝ ինչքա՞ն կտևի պատերազմն Ուկրաինայում, ինչպե՞ս կավարտվի այս պատերազմը, ինչպիսի՞ն կլինի ուժերի հարաբերակցությունը աշխարհում և, իհարկե, տարածաշրջանում», - ասել է Ալիևը՝ ուրբաթ օրը պատասխանելով հարցերին Չեռնոբիոյում (Իտալիա) միջազգային ֆորումի ժամանակ:

Ալիևն ընդգծել է, որ Բաքուն հետաքրքրված է Հարավային Կովկասի համար նոր գլոբալ կարգի հետևանքներով, տարածաշրջանի հիմնական երկրների դիրքորոշումներով և Հայաստանի հետ խաղաղության հասնելու ծրագրերի համատեքստում հեռանկարներով։ «Մենք վերահսկում ենք իրավիճակը։ Իհարկե, գործելու ենք մեր ռազմավարությանը համապատասխան։ Միևնույն ժամանակ չենք կարող անտեսել այն փաստը, որ աշխարհը փոխվում է», - ասել է Ալիևը:

Նա նաև խոսել է միջազգային իրավական նորմերի ամբողջական խախտման մասին։ «Մենք տեսնում ենք նաև միջազգային իրավական նորմերի ամբողջական խախտում։ Տեսնում ենք, որ որոշ երկրներ կարծում են, որ կարող են անտեսել դա, և դա նրանց չի հետաքրքրում։ Այսպիսով, սա բոլորովին նոր իրավիճակ է: Ո՞րն է լինելու աշխարհի նոր կարգը: Ի՞նչ է լինելու միջազգային կառույցների, ՄԱԿ-ի հետ։ Այն կվերականգնվի՞, թե՞ այլ կազմակերպություն կհայտնվի։ Դա նրանց պատասխանատվությունն է, ովքեր կարողանում են աշխարհում նոր գաղափարներ առաջ տանել»,- հավելել է Ալիեւը։

Այս թեմայով «Հայկական կողմը պետք է ընտրություն կատարի»․ Բաքուն կրկին մեղադրանքներ է հնչեցրել Հայաստանի հասցեին Հայաստանը պետք է հնարավորինս արագ վերացնի Սահմանադրությամբ «տարածքային պահանջների խնդիրը». Ալիևի ներկայացուցիչ Պատահական չէ, որ ադրբեջանական մամուլը, Հայաստանի իշխանությունն ու իր մամուլը հիստերիա են բարձրացրել «Կարելի՞ է այդքան անշնորհակալ լինել»․ Ալիևը մեղադրանքներ է հնչեցրել ԱՄՆ–ի հասցեին Վլադիմիր Պուտինը ասել է, որ Ալիևը համամիտ է. Շարմազանով (տեսանյութ)