Իլոն Մասկը մասնակցել է Թրամփի քարոզարշավին (տեսանյութ)

Ամերիկացի ձեռնարկատեր, Space X-ի և Tesla-ի հիմնադիր Իլոն Մասկը մասնակցել է Փենսիլվանիայում ԱՄՆ նախագահի հանրապետական ​​թեկնածու Դոնալդ Թրամփի քարոզարշավին, հայտնում է Associated Press-ը։

Գործակալության տվյալներով՝ գործարարը նախ կուլիսներում հանդիպել է ԱՄՆ նախկին նախագահի եւ փոխնախագահի պաշտոնի նրա թեկնածու Ջեյ Դի Վենսի հետ։ Ընդ որում, Մասկը կրել է բեյսբոլի սև գլխարկ՝ «Ամերիկան նորից մեծ դարձնենք» մակագրությամբ։ 

Ավելի ուշ ձեռներեցը միացել է Թրամփին բեմում։ Մասկը հայտարարել է, որ Թրամփը պետք է հաղթի ընտրություններում և կոչ է արել ամերիկացիներին քվեարկել նրա օգտին։