Բայրամովն ԱՊՀ նախարարների խորհրդի նեղ կազմով նիստին խոսել է «Զանգեզուրի միջանցքի» մասին և մեղադրանքներ հնչեցրել Հայաստանի հասցեին

2022 թվականի հոկտեմբերի 12-ին Ադրբեջանի Հանրապետության արտաքին գործերի նախարար Ջեյհուն Բայրամովը Աստանայում մասնակցել է ԱՊՀ արտաքին գործերի նախարարների խորհրդի նիստին։ 

ԱՊՀ նախարարների խորհրդի նեղ կազմով նիստին Բայրամովն իր ելույթում շնորհակալություն է հայտնել Ղազախստանին՝ որպես նախագահող երկրի՝ ԱՊՀ շրջանակներում փոխգործակցության բարձր մակարդակի հանդիպում կազմակերպելու, ինչպես նաև տարածաշրջանային և միջազգային օրակարգի արդի հարցերի շուրջ մտքերի կառուցողական փոխանակման համար։

Բայրամովը հանդիպման մասնակիցներին տեղեկացրել է 44-օրյա պատերազմից հետո տարածաշրջանում ստեղծված նոր իրողությունների ֆոնին առկա իրավիճակի մասին, այդ թվում՝ Ադրբեջանի և Հայաստանի միջև խաղաղ գործընթացի խթանմանն առնչվող հարցերի շուրջ։ Նա նշել է, որ հակամարտության ավարտը նոր հնարավորություններ է ստեղծում տարածաշրջանում երկարաժամկետ խաղաղության և կայունության հասնելու համար՝ տնտեսական և հաղորդակցական կապերի վերականգնման միջոցով։ Մասնավորապես, նա խոսել է այսպես կոչված՝ «Զանգեզուրի միջանցքի» մասին՝ նշելով, որ դրա բացումից հետո այն կծառայի տարածաշրջանում տարանցիկ հնարավորությունների մեծացմանն ու ընդհանրապես ներդրումային միջավայրի ամրապնդմանը։

Նա նաև զերծ չի մնացել Հայաստանի նկատմամբ նոր անհիմն մեղադրանքներ հնչեցնելուց:

«Եռակողմ հայտարարությունները Հայաստանի կողմից դեռ ամբողջությամբ չեն իրականացվել, իսկ հայ զինվորները դեռ դուրս չեն բերվել Ադրբեջանի տարածքներից։ Հայաստանի կողմից սադրանքները շարունակվում են: Հայաստանի նման գործողությունները խաթարում են տարածաշրջանում խաղաղություն և կայունություն ապահովելու ջանքերը»,- ասել է Բայրամովը։

Այս թեմայով ՀՀ-ն պետք է սահմանադրական փոփոխությունների միջոցով մեկընդմիշտ հրաժարվի տարածքային պահանջներից․ Բայրամով Մասամբ խաղաղությունը» տարբերակ չէ. Բայրամով Նյու Յորքում մեկնարկել է Միրզոյան-Բայրամով-Բլինկեն եռակողմ հանդիպումը Հայտնի է Բլինքեն-Միրզոյան-Բայրամով հանդիպման ժամը Հայաստանին կոչ ենք անում վերացնել խաղաղության պայմանագրի ստորագրման խոչընդոտները. Բայրամով