Պետք է լրացուցիչ թափ հաղորդել եռակողմ աշխատանքային խմբի գործունեությանը. Պուտին

Անհրաժեշտ է լրացուցիչ խթան հաղորդել տարածաշրջանում հաղորդակցությունների ապաշրջափակման եռակողմ աշխատանքային խմբի գործունեությանը։ Այս մասին Սոչիում Ադրբեջանի նախագահ Իլհամ Ալիեւի հետ հանդիպմանը հայտարարել է ՌԴ նախագահ Վլադիմիր Պուտինը։

«Այս հանդիպման նպատակը, ինչպես ես եմ տեսնում, մեր բոլոր պայմանավորվածությունների իրականացումն ապահովելն է, որոնք ձեռք են բերվել 2020 և 2021 թվականներին։ Դուք բազմիցս նշել եք, որ Ռուսաստանը նշանակալի, կարևոր դեր է խաղացել հակամարտության կարգավորման գործում։ Եվ հիմա մեր խաղաղապահ զորախումբը կատարում է իր առաքելությունը, ինչպես և պետք է կատարեր։ Ես շնորհակալ եմ ձեզ այս գնահատականների համար»,- ասել է Վլադիմիր Պուտինը Իլհամ Ալիևին։

«Եվ այսօր, անշուշտ, հարկ կլինի խոսել այն իրավիճակի մասին, որը ստեղծվել է այսօր, ուղիներ փնտրել դեռևս չլուծված հարցերի լուծման համար։ Եվ այս առումով կնշեի նաև տնտեսական բնույթի կարևոր բաղադրիչ. մենք ստեղծել ենք եռակողմ աշխատանքային խումբ՝ փոխվարչապետների գլխավորությամբ։ Նրանք բավականին առաջ են գնացել այն հարցերի լուծման առումով, որոնց մասին խոսել ենք երկու տարի առաջ։ Այստեղ էլ, ըստ երեւույթին, պետք է լրացուցիչ խթան հաղորդել։ Ես գիտեմ, որ ադրբեջանական կողմն այս ուղղությամբ բավականին ակտիվ է աշխատում»,- նշել է ՌԴ նախագահը։

Այս թեմայով «Հայկական կողմը պետք է ընտրություն կատարի»․ Բաքուն կրկին մեղադրանքներ է հնչեցրել Հայաստանի հասցեին Հայաստանը պետք է հնարավորինս արագ վերացնի Սահմանադրությամբ «տարածքային պահանջների խնդիրը». Ալիևի ներկայացուցիչ Պատահական չէ, որ ադրբեջանական մամուլը, Հայաստանի իշխանությունն ու իր մամուլը հիստերիա են բարձրացրել «Կարելի՞ է այդքան անշնորհակալ լինել»․ Ալիևը մեղադրանքներ է հնչեցրել ԱՄՆ–ի հասցեին Ինչպես է պատրաստվում նշել ՌԴ նախագահն իր 72-ամյակը