Կառավարությունը հաստատեց Հայաստանի տեքստիլ արդյունաբերության զարգացման 2023-26 թվականների ծրագիրը

 Կառավարությունը հաստատեց Հայաստանի տեքստիլ արդյունաբերության զարգացման ծրագիրը և դրանից բխող 2023-2026 թվականների գործողությունների ծրագիրը։

Կառավարության հերթական նիստի ժամանակ նախագիծը ներկայացրեց Էկոնոմիկայի նախարարի տեղակալ Ռաֆայել Գևորգյանը։

«Առաջիկա չորս տարիների ընթացքում հիմնական թիրախը կլինի աշխատանքի արտադրողականության խթանումը։ 2011-20 թվականների ընթացքում միջինում ավելի 40 տոկոս աճ է նկատվել նշված ոլորտի արտահանման դինամիկայում։ Պետք է հաշվի առնել նաև, որ տասնամյակի սկզբում ոլորտի արտահանման ծավալները բավականին ցածր էին, և ունեինք բավականին ցածր բազա, ինչով պայմանավորված` տոկոսային աճը բավականին բարձր է եղել, բայց, այնուամենայնիվ, 2022 թվականին նկատել ենք, որ արտահանման ծավալները հատել են 200 միլիոն դոլարի սահմանը և 2021 թվականի նկատմամբ ունեցել ենք 15,7 տոկոս աճ։ Այս ամենը մեզ թույլ է տալիս ենթադրել, որ կա բավականին բարձր ներուժ ոլորտի զարգացման համար։ Հագուստի արտադրությունը 2020-22 թվականներին ապահովել է 11 հազար 500 աշխատատեղ, որոնցից 95 տոկոսը կանանց ներգրավվածությամբ»,- ասաց Գևորգյանը։

Նախարարի տեղակալը նշեց, որ ծրագրում հիմնականում նախանշվել է երեք առանցք՝ մարդկային կապիտալի զարգացում, արտադրողական կարողությունների զարգացում, օպտիմալացում և արտահանման և վաճառքին միտված ծրագրեր։

«Այս երեք ուղղությունների համար նախատեսվում է տրամադրել 14 միլիարդ դրամ։ Մենք կարծում ենք, որ արտադրողականությունը կկարողանանք բարձրացնել 1,8 անգամ և դրա արդյունքում կունենանք արտահանման ծավալների աճ ընդհուպ մինչև 500 միլիոն դոլարի»,- եզրափակեց Գևորգյանը։

Այս թեմայով Հայաստանի և Չեխիայի ԱԳ նախարարները մտքեր են փոխանակել տարածաշրջանային թեմաների շուրջ Գոհ եմ Հայաստանի և Ադրբեջանի միջև «խաղաղության գործընթացի» առաջմղումից․ Էրդողան ՌԴ կառավարությունը դադարեցնում է բենզինի արտահանման ժամանակավոր արգելքը Ալիևը հայտարարել է, որ Հայաստանի հետ խաղաղության օրակարգն առաջ մղելու համար բարենպաստ պայմաններ կան Փաշինյանի գլխավորությամբ շարունակվել են Հայաստանի ժողովրդագրական ռազմավարության նախագծի շուրջ քննարկումները Բրյուսելում Հայաստանի դեսպանը հանդիպել է Բելգիայի ընտրություններին առաջադրված հայ թեկնածուների հետ Ռուսաստանն ու Արևմուտքը վաղուց եկել են համաձայնության, որ Հայաստանի շահերը պետք է ոտնահարվեն. Արմեն Այվազյան (տեսանյութ) Այդ 25 հեկտար հողերը միշտ եղել են Հայաստանի վերահսկողության ներքո. Կիրանցի բնակիչ «Հայաստանն ու Ադրբեջանը խաղաղության հասնելու պատմական հնարավորություն ունեն»․ Գերմանիայի ԱԳՆ Ամենակարևոր հարցը, որը մեր երկրի զարգացման հիմքում պետք է դրված լինի, ճշմարտության և արդարության գաղափարն է․ Բագրատ Սրբազան