ՀՀ–ում հայտնաբերված 1 տոննա կոկաինի գործով առ այսօր չի անցնում որևէ պետական պաշտոնյա․ Խամոյան

Շուրջ մեկ տարի առաջ Հայաստանի Հանրապետությունում հայտնաբերված 1 տոննա կոկաինի գործով առ այսօր չի անցնում որեւէ պետական պաշտոնյա։ Այդ մասին ֆեյսբուքյան իր էջում գրում է «Հայաստան» խմբակցության պատգամավոր Ագնեսա Խամոյանը։

«250 մլն եվրո արժողությամբ բեռը, հիշեցնեմ, Պանամայից Իտալիայի Հանրապետության եւ Վրաստանի տարածքով անխոչընդոտ հասել էր ք․ Երեւան, եւ բացի այն առեւտրային կազմակերպության 3 աշխատակիցներից (վերջիններս գտնվում են տնային կալանքի տակ), ուր հայտնաբերվել էր բեռը, չկա որեւէ այլ զարգացում գործով։

Հիշեցնեմ, որ կառավարության հետ հարցուպատասխանի ժամանակ ի պատասխան գործի հետ կապված իմ բազմաթիվ հարցադրումների, Նիկոլ Փաշինյանը հայտնել էր, որ չի տիրապետում գործի մանրամասներին, ինչին, մեղմ ասած, դժվար է, իհարկե, հավատալ։

Գործի մասին որեւէ տեղեկատվություն տալուց հրաժարվել էր ԱԱԾ-ն, իմ բոլոր հարցադրումները վերագրելով նախաքննության գաղտնիքին։

Եվ ահա, ի պատասխան իմ գրավոր հարցադրման (Նիկոլ Փաշինյանն այն վերահասցեագրել է ՆԳՆ-ին), թե օրինակ մաքսայինի որեւէ աշխատող անցնում է գործով, պաշտոնական պատասխանում ասվում է․ «Հանցանքի կատարմանը պաշտոնատար անձանց հնարավոր ներգրավվածությունը պարզելու նպատակով իրականացվում են համապատասխան օպերատիվ-հետախուզական եւ քննչական (այդ թվում՝ միջազգային-իրավական օգնության շրջանակներում) գործողություններ): Նախաքննությունը շարունակվում է։

Այսքանը։

Գրեթե 1 տարի եւ չկա բեռի անխափան տեղափոխությունը Հայաստան ապահոված որեւէ պաշտոնատար անձի՝ մեղադրյալի աթոռին հայտնվելու հանգամանք։ Հիշեցնեմ, որ խոսքը 1 տոննա կոկաինի մասին է, իսկ նման մասշտաբի գործարքներն առանց բարձր իշխանական տանիքների, երաշխավորների, լոգիստիկ պատասխանատուների պարզապես տեղի չեն ունենում։

Հետեւությունները թողնում եմ ձեզ։

Հ.Գ. Հաշվի առնելով Կարեն Անդրեասյանի՝ կինոմատոգրաֆիայում ունեցած նախանձելի փորձը, առաջարկում եմ պետական միջոցներից գումարներ հատկացնել վերջինիս սցենարական տաղանդի օգնությամբ մի ֆիլմ էլ այս «չբացահայտված» գործի մասին նկարահանելու համար»,- նշել է պատգամավորը։

Այս թեմայով ՀԱՊԿ նիստերին չեք մասնակցում, բայց ուզում եք աջակցություն ցուցաբերվի․ Ագնեսա Խամոյանը՝ Միրզոյանին Պուտինը ՀՀ գալու է ԵԱՏՄ նիստին մասնակցելո՞ւ համար, թե՞ չի համարձակվի Հռոմի ստատուտի պատճառով. Խամոյան Ագնեսա Խամոյանն առաջարկում է իրավապահների կողմից թմրանյութերի օգտագործումը պարզելու ստուգում անցկացնել Ալեն Սիմոնյանն ու Ագնեսա Խամոյանը «նեղը գցեցին» ԲԴԽ անդամի թեկնածուին Այս իշխանությունների յուրաքանչյուր բանակցային հանդիպում ավելի վատ հետևանքներ է թողնում․ Ագնեսա Խամոյան ՄԻՊ Անդրեասյանը դատավորների գնացուցակ էր հրապարակել, դա իրականությու՞ն էր, թե՞ ոչ. Խամոյան Մի լավ բան չեմ կարողանում հիշեմ 20 տարուց ավելի դատավոր աշխատած Արմեն Դանիելյանի մասին. Խամոյան «Հայաստան» խմբակցության պատգամավոր Ագնեսա Խամոյանի ճեպազրույցը․ ՈՒՂԻՂ Պարո՛ն Փաշինյան, ութ հանդիպում եք ունեցել Ալիևի հետ, եղանակի՞ց էիք խոսում, բանակցեիք. Խամոյան Սեյրան Օհանյանին անձեռնմխելիությունից զրկելու միջնորդություններից մեկը գաղտնի ռեժիմով է ԱԺ եկել․ Ագնեսա Խամոյան