Մեկնարկել է Ֆիզիկական սահմանափակ հնարավորություն ունեցողների շախմատի աշխարհի անհատական առաջնությունը

Գյումրիում մեկնարկել է Ֆիզիկական սահմանափակ հնարավորություններ ունեցող անձանց շախմատի աշխարհի 23-րդ անհատական առաջնությունը։ Ինչպես տեղեկացնում է «Արմենպրես»-ը, առաջնության շրջանակներում Գյումրին հյուրընկալում է աշխարհի 14 երկրների՝ Հայաստանի, Ամերիկայի Միացյալ Նահանգների, Գերմանիայի, Լեհաստանի, Խորվաթիայի, Հնդկաստանի, Ղազախստանի, Չեխիայի, Ղրղզստանի, Անգոլայի, Ֆիլիպինների, Իսրայելի, Բելառուսի և Ռուսաստանի   52 շախմատիստների։ 

Առաջնության բացումը տեղի ունեցավ «Սև բերդ» ամրոցում։ Բացմանը  ներկա էին մարզային ու քաղաքային իշխանությունների ներկայացուցիչներ, գրոսմայստեր, Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանը, հյուրեր։ Շիրակի մարզպետ Մուշեղ Մուրադյանի անունից փոխմարզպետ Աննա Մարտիկյանը ողջունել է ներկաներին, բարի երթ և հաջող ընթացք մաղթել առաջնությանը. «Շուրջ 2000 տարի առաջ Հնդկաստանում շախմատը ձևավորվեց՝ պատկերելով հնդկական զորքի դասավորությունը։ Ցանկանում եմ, որ աշխարհում բոլոր մարտական գործողությունները կատարվեն միայն շախմատի տախտակին։ Օգտվելով առիթից՝ բոլոր ներկաներին ուզում եմ շնորհավորել հուլիսի 20-ի՝ Շախմատի միջազգային օրվա առթիվ»։

Առաջնությունը տևելու է մինչև հուլիսի 28-ը։ 

Այս թեմայով Ծանրամարտի երիտասարդների ԱԱ. 18-ամյա Էմմա Պողոսյանը՝ աշխարհի չեմպիոն Էլինա Ավանեսյանը հաղթանակով է մեկնարկել Պեկինի մրցաշարում Հայաստանի օպերայի պատմության մեջ նոր էջ է բացվում՝ աշխարհի ամենահեղինակավոր կառույցի հետ համագործակցությամբ ՈւՂԻՂ. Մեկնարկել է Անժելա Թովմասյանի գործով դատական նիստը ՈւՂԻՂ. Մեկնարկել է Անժելա Թովմասյանի գործով դատական նիստը