ՔՊ-ական պատգամավոր Հրաչյա Հակոբյանն արձագանքել է «իր թանկարժեք կոշիկների մասին» հրապարակմանը
Հրապարակումներ![ՔՊ-ական պատգամավոր Հրաչյա Հակոբյանն արձագանքել է «իր թանկարժեք կոշիկների մասին» հրապարակմանը](/timthumb.php?src=disc/22-07-24/fc2693199ea8cfddcac01fda11984f2d.jpg&w=780)
Վարչապետի աներորդի, ՔՊ-ական պատգամավոր Հրաչյա Հակոբյանն արձագանքել է «իր թանկարժեք կոշիկների մասին» լուրեր.com -ի հրապարակմանը` պահանջելով վերահրապարակել իր պարզաբանումը ` մոտ տասն օր առաջ իշխանական մեկ այլ պատգամավորների հարսանիքին իր բրենդային կոշիկներով ներկայանալու մասին:
ՀԳ հրապարակում ենք սոցցանցով մեզ ուղղված պատգամավորի պարզաբանման տեքստը` հաշվի առնելով նաեւ այն հանգամանքը, որ ՔՊ-ականպատգամավոր Հրաչյա Հակոբյանը շահեկանորեն տարբերվում է իր թիմակիցներից։ Չմոռանանք` ՔՊ-ական որոշ պատգամավորներ շատ սուր են արձագանքում իրենց գործունեության կամ ունեցվածքի մասին մամուլի հրապարակումներին եւ հաճախ են կոշտ պահանջներով ԶԼՄ-ներ դեմ հայցերով մտնում դատական վեճերի մեջ։ Արձագանքելով Հրաչյա Հակոբյանի պնդմանը, որ մաքսանենգ ճանապարհով սիգարետի արտահանման բիզնեսի մասին ԶԼՄ հրապարակումներից հետո ինքն անձամբ ունեցել է զրպարտությունը հերքելու պահանջով լիովին շահած դատական հայցեր, մենք այդ մասին որեւէ հրապարակում չգտանք , այդ թվում datalex.am համակագում, ուստի մենք էլ պատասխանելով մեզ հասցեագրված պահանջին ակնկալում ենք, որ պատգամավորն անձամբ կհայտնաբերի այդ դատական ակտերն ու նյութերը եւ մեզ կփոխանցի կայքի էլեկտրոնային փոստի միջոցով։ Լուրեր.com-ը պատրաստակամություն է հայտնում հրապարակել այդ մասին որոշումները։
![](banners/armflix.jpg)