Քանի՞ օր երեխաները տանը կմնան Ամանորին. արձակուրդի օրերը հայտնի են

MediaHub-ը գրում է․

Տոներն են մոտենում, իսկ դա նշանակում է, որ դպրոցականները անհամբեր սպասում են, թե քանի՞ օր են տանը մնալու և վայելելու տոնածառային վայելքները՝ համեղ ուտեստները, սիրած ֆիլները, տաք շոկոլադն ու դաս չանելու բերկրանքը:

Մեկ ամսից արդեն Ամանոր է, և, իհարկե, բոլորին հետաքրքրում է, թե դպրոցներում ե՞րբ կսկսվեն ձմեռային կարճատև այս արձակուրդները աշակերտների համար։

MediaHub-ին ԿԳՄՍՆ–ից փոխանցեցին, որ առաջին և երկրորդ դասարանցիների ձմեռային արձակուրդները տրվում են 2024թ դեկտեմբերի 23-ից մինչ 2025 թվականի հունվարի 19-ը ներառյալ։

«Իսկ 3-12-րդ դասարանների աշակերտների համար ձմեռային արձակուրդները կտևեն 2024 թվականի դեկտեմբերի 25-ից մինչև 2025 թվականի հունվարի 5-ը ներառյալ»,– նշեցին նախարարությունից։

Հաշվի առնելով, որ հունվարի 5-ը կիրակի է, հունվարի 6–ը՝ Սուրբ ծննդյան տոնն է, ոչ աշխատանքային օր, ապա 3-12-րդ դասարանների աշակերտների համար դասերը կսկսվեն հունվարի 7-ից։

Նշենք, որ տոներին ընդառաջ ՀՀ կառավարությունը սահմանում է ոչ աշխատանքային օրերը, բայց, ըստ ամենայնի, դրանք են՝ դեկտեմբերի 31-ը, հունվարի 1-ը, 2-ը, ինչպես նաև արդեն նշեցինք՝ հունվարի 6-ը:

Մարիաննա Արամյան