Հիմա յուրաքանչյուրս մեզ համար որոշում ենք՝ Արցախը զորությո՞ւն է, փրկությո՞ւն, թե՞ «գլխացավանք». Սեպտեմբերի 2-ը կարևոր օր է. Արցախի թեմի առաջնորդ

Արցախի Հանրապետության տեղեկատվական շտաբի ֆեյսբուքյան էջում երեկ տեղեկատվություն հայտնվեց, որ սեպտեմբերի 2-ին` Արցախի անկախության օրը, ՀՀ-ում Արցախի մշտական ներկայացուցչության դռները քաղաքացիների առջև բաց կլինեն ժամը 12։00-18։00-ը։

«Հաշվի առնելով մի խումբ հանրային և քաղաքական գործիչների նախաձեռնությունը, այն է՝սեպտեմբերի 2-ին այցելել ՀՀ-ում Արցախի մշտական ներկայացուցչություն՝ տեղեկացնում ենք, որ սեպտեմբերի 2-ին ներկայացուցչության դռները բաց կլինեն ժամը 12:00-իցմինչև 18:00-ն»,-նշված է տեղեկատվական շտաբի ֆեսյբուքյան էջում։

Արցախի թեմի առաջնորդ Գերաշնորհ տեր Վրթանես եպիսկոպոս Աբրահամյանը սեպտեմբերի 2-ին նախ կայցելի Եռաբլուր՝ իր խոնարհումը բերելու հայրենիքի նահատակված տղաների հիշատակին, այնուհետև կգնա Արցախի ներկայացուցչություն՝ խոսելու ու շփվելու այն հայերի հետ, ովքեր այդ օրը կգնան այնտեղ։

«Մենք այս պահին Արցախի անկախության օրվան նվիրված միջոցառում ենք անցկացնում Արցախի թեմում, իսկ արդեն սեպտեմբերի 2-ին կգնանք Արցախի ներկայացուցչություն։

Արցախի անկախությունը եղել է ու մեզ համար կմնա՝ որպես սրբազան առաքելության ջանքերի շնորհիվ ձեռք բերված մի գաղափար։ 1980-ականներից սկսած մեր զավակներն այդ գաղափարի համար պայքարեցին ու անկախացան՝ կառուցելով պետականություն։

Արցախի անկախությունը մեզ համար հոգևոր գանձ է, որի շուրջ մենք պետք է շարունակենք մտածել, թե ինչպես կկարողանանք կրկին այն վերարժևորել, ողջ հայությունը պետք է համախմբվի հենց այդ գաղափարի շուրջ։ Այսօր պետք է նաև, որ Հայաստանի պետականությունը նախ պաշտպանվի»,-168.am-ի հետ զրույցում նշեց սրբազանը և շարունակելով միտքը՝ նկատեց.

«Եթե Արցախի պետականությունն այսօր կորցնենք, կամ այն լուծարվի, թեև որևէ մեկն իրավական ու բարոյական իրավունք չունի գնալու այդ քայլին, քանի որ Արցախն անկախացել է ժողովրդի քվեով, ու ժողովուրդը կարող է իր ստեղծած պետականության ճակատագիրն ինքը որոշել։ Արցախը համայն հայության, կրոնական տերմինով ասած՝ խաչն է»։

Գերաշնորհ տեր Վրթանես եպիսկոպոս Աբրահամյանի բնորոշմամբ, այն մարդիկ, որոնք Արցախը համարում են «գլխացավանք» ու «բեռ», այդ մարդկանց համար Արցախը և նրա խաչը հիմարություններ են։ Իսկ նրանք, որոնք Արցախը համարում են զորություն, նրանք Արցախն ազատագրողներն են՝պայքարողներն ու վերակառուցողները։

«Հիմա յուրաքանչյուրս մեզ համար որոշում ենք՝ Արցախը զորությո՞ւն է, փրկությո՞ւն, թե՞ «գլխացավանք»։ Մենք՝ որպես ժողովուրդ, պետք է կանգնենք, վերագտնենք մեր խաչը և դրա միջոցով՝ մեր ազգային ներուժը։ Միայն դրանով կարող ենք դառնալ վկան այն մեծ տեսիլքին, որ ազգովի պետք է վերադառնանք դեպի խաչին՝ տիրոջ զորակցությամբ։ Կրկնում եմ՝ սեպտեմբերի 2-ը մեզ համար շատ կարևոր է, ազգովի պետք է նշենք Արցախի անկախության օրը»,-եզրափակեց Արցախի թեմի առաջնորդը։

Այս թեմայով Լեհական ընդդիմությունը ստորագրահավաք է սկսել միգրանտների հարցով հանրաքվե անցկացնելու համար ՌԴ-ն հավանում է ուկրաինական խնդրի բանակցությունների համար «կամուրջ կառուցելու» Չինաստանի ծրագիրը Երկարակեցության համար պատասխանատու են առողջության հինգ կարևոր ցուցանիշները. GeroScience Փաշինյան. Պետությունը հենց դրա համար է, որ ստուգի, արդյո՞ք կենացով ստանձնված տուրքը տրվել է հայրենիքին «Մոտենում ենք Սրբազան պայքարի շատ կարևոր, նոր փուլի մեկնարկին» Օրվա խորհուրդ. սեպտեմբերի 14 Մասնագետներն անվանել են սեքսի համար ամենավատ երգը Հայտնի մոդելի քույրը մահվան դուռն է հասել նիհարելու համար դեղամիջոցն ընդունելուց հետո Շատ կուզենայի գերեզմաններ ու եկեղեցի գնալ, բայց էդ հնարավորությունը հիմա չունեմ. Արմեն Աշոտյան (տեսանյութ) Սեպտեմբերի 13-ի լայնածավալ ագրեսիայից երկու տարի անց, Ադրբեջանը շարունակում է օկուպացված պահել ՀՀ տարածքները. Ազգային ճակատ