Բրիտանացին բուռն կերպով նշել է տարեդարձը, կորցրել հիշողությունը և որոշել «հանդիպել Աստծուն» (տեսանյութ)

Մեծ Բրիտանիայի Սուրեյ քաղաքից տղամարդը Թաիլանդում նշել է իր 30-ամյակը, կորցրել է հիշողությունը և ոստիկանների կողմից մերկ վիճակում հայտնաբերվել Սամուի լողափում։ Այս մասին հայտնում է Daily Mail-ը։

Բրիտանացին Թաիլանդ է ժամանել հոկտեմբերի 10-ին՝ ծննդյան տարեդարձը նշելու և հարսանիքի մասնակցելու։ Նա մնացել է հյուրանոցում, որտեղ անընդհատ խմում էր, աղմուկ բարձրացնում, ինչը խանգարում էր մյուս հյուրերին։ Հոկտեմբերի 28-ին տղամարդը ընկերների հետ գնացել է իր ծննդյան օրվա կապակցությամբ երկար սպասված միջոցառմանը։

Առավոտյան Սամուիի տեղացիները բրիտանացուն նկատել են ծովափին՝ մերկ վիճակում։ Նա ցատկել է ջրի մեջ և երգել երկրպագուների ֆուտբոլային երգեր։ Տեղացի ձկնորսը որոշել է օգնել տղամարդուն ափ դուրս գալ, սակայն նա ագրեսիվ կերպով հասկացրել է, որ աջակցության կարիք չունի։ Արդյունքում տեղի ունեցողի մյուս ականատեսները ոստիկանություն են կանչել և թարգմանիչ։ Ոստիկանները տղամարդուն դուրս են բերել ջրից, որից հետո նա հայտարարել է, որ ոչ մի տեղ չի գնալու, քանի որ «Աստծուն հանդիպելու» համար շտապ մեդիտացիայի կարիք ունի։ Բացի այդ, զբոսաշրջիկը պատմել է, որ չի հիշում վերջին երկու օրերի իրադարձությունները։

Արդյունքում, բրիտանացուն տարել են ոստիկանություն, որտեղ նա թմրանյութերի թեստ է անցել, որը բացասական արդյունք է ցույց տվել։ Զբոսաշրջիկը տուգանվել է հասարակական վայրում անպարկեշտ պահվածքի համար. «Չեմ ուզում, որ նա պատժվի: Ուրախ եմ, որ նա այժմ ապահով է: Միգուցե շատ է խմել, և եղանակը շատ շոգ է եղել նրա համար, այդ պատճառով էլ իրեն մի փոքր խենթ էր պահում: Չնայած դրան, կարծում եմ, որ նա լավ մարդ է»,- ասել է ձկնորսը։