Մեր նոր ձևավորվող քաղաքական թիմում կարևորվելու են հոգևոր և ազգային արժեքները. Արտակ Թովմասյան

«Թիմակիցներին հավաքագրելիս փորձում ենք ամեն ինչ անել, որպեսզի չսխալվենք: Մեր հիմնական նպատակն այն է, որ հանրության մեջ լինեն ոչ ճանաչված, սակայն կայացած ղեկավարներ: Նախկինների փորձը հաշվի առնելով՝ մեր թիմում կընդգրկենք հաջողություններ գրանցած մարդկանց»:

Այս մասին այսօր հրավիրված ասուլիսին հայտարարեց «Թովմասյան» բարեգործական հիմնադրամի հոգաբարձուների խորհրդի նախագահ Արտակ Թովմասյանը՝ անդրադառնալով հարցին, թե ովքեր են ընդգրկված լինելու նոր ձևավորվող քաղաքական թիմում:

«Իմ հետևում որևէ քաղաքական ուժ չկա կանգնած, որը կարող էր ինձ ուղղորդել, ընդհակառակը` մեծամասամբ զարմանում և հարցնում են, թե դա ինչու է ինձ անհրաժեշտ: Գիտակից մարդը, որ հասկանում է երկրի, տնտեսության վիճակը, առնվազն պետք է հասկանա՝ մարդ պետք է կամիկաձե լինի, որ դրան գնա։ Ոչ մեկը դրան չէր գնա, որովհետև ավելի խորը ուսումնասիրելուց հետո գոնե միջին մակարդակի տնտեսագետները կասեն, թե ինչ վիճակ է և ինչ կարող է սպասվել մեր երկրին»,- նկատեց Արտակ Թովմասյանը և հավելեց. «Մեր ներկա իշխանությունների հրաժարականը ձգձգելու դեպքում ամեն օր է՛լ ավելի անելանելի վիճակի մեջ կարող է հայտնվել մեր երկիրը»:

Թովմասյանի խոսքով՝ նոր քաղաքական թիմում կարևորվելու են ազգային և հոգևոր արժեքները. «Մեր թիմում յուրաքանչյուրի արժեհամակարգում դրանք առանցքային դեր պետք է ունենան և լինեն այն ջիղերը, որոնք կուղղորդեն մեզ»:

Հիշեցնենք, որ Արտակ Թովմասյանը վերջերս էր հայտարարել նոր քաղաքական ուժ ձևավորելու մասին:

Այս թեմայով Վիկտոր Մնացականյանը նոր կուսակցություն է հիմնելու․ «Հրապարակ» Հենց-ընենց չենք կուսակցություն ստեղծել․ մեր ժողովրդի շահերն ենք ներկայացնելու․ Արզաքանցյան (տեսանյութ) Ժամանակն է հայտարարություններից գործողությունների անցնելու․ «Վերածնվող Հայաստան» կուսակցություն Նիկոլ Փաշինյանը պետք է լուծի այս խնդիրը կամ հեռանա․ «Դեմոկրատական այլընտրանք» կուսակցություն Այս ամենը տեղի է ունենում Հայաստանի իշխանությունների հանցավոր անգործության պայմաններում․ «Հայրենիք» կուսակցություն «Սպառողական մոտեցումները վերափոխել զարգացման նախադրյալների»․ «Միասնական հայրենիք» կուսակցություն Վաղվանից Seven Visions Hotels, The Dvin-ում կգործի «Հայրիկ» ռեստորան (տեսանյութ) «Ժողովուրդ». Անարդարության մթնոլորտ՝ «Քաղաքացիական պայմանագրի» ներսում «Թովմասյան» հիմնադրամի միջոցներով Երեւանի Մ. Խորենացու անվան հ. 143 հիմնական դպրոցում բացվել է գերժամանակակից ինժեներական լաբորատորիա Իոսիֆ Կոբզոնի ընտանիքի նվիրատվությամբ Սրբոց Հրեշտակաց եկեղեցու բակում ցայտաղբյուր է բացվել (տեսանյութ, լուսանկարներ)