Ես էլ եմ եղել քաղաքապետի թեկնածու, բայց պարտվել եմ, չի նշանակում ես վատն էի. Սիմոնյանը՝ Արփի Դավոյանի թեկնածության մասին
Քաղաքական
Աժ-ում լրագրողների հետ ճեպազրույցում ԱԺ նախագահ Ալեն Սիմոնյանն անդրադառնալով հարցին, թե ինչու արդարադատության նախարարի պաշտոնի համար առաջադրեցին ՔՊ-ական պատգամավոր Արփի Դավոյանի թեկնածությունը, հետո մերժեցին նրան՝ նշեց․ «Իսկ ինչու ոչ»,- նշեց նա։
Դիտարկմանը՝ նա իրավաբանական կրթություն չունի, ԱԺ նախագահն ասաց, թե իր կարծիքով ունի բավարար գիտելիքներ․ «Խոսքը նրա մասին է, որ որեւէ մեկը չկա, որ պետք է հնարավորություն չունենա մրցելու մնացածների հետ: Այսինքն պետք է ինչ-որ ձեւով որեւիցե մեկին այս կամ այն անձի ցանկությամբ ու գնահատականով սահմանափակվե՞նք: Մարդը ցանկություն հայտնեց մասնակցել այդ քննարկմանը, մասնակցեց, թիմի հետ քննարկեց այդ հարցը եւ անցանք առաջ: Ես էլ եմ եղել քաղաքապետի թեկնածու, բայց պարտվել եմ, չեմ կարողացել մրցակցել այդ ժամանակվա թեկնածուի հետ: Բայց դա չի նշանակում, որ ես քիչ գիտելիք ունեի կամ վատն եմ, էն մյուս թեկնածուն լավն է»,- ասաց Ալեն Սիմոնյանը:
Նշենք, որ այսօր եւս ՔՊ-ում քննարկվելու է արդարադատության նախարարի պաշտոնի համար թեկնածու առաջադրելու հարցը․ շոշափվում է 4 թեկնածուի անուն՝ ՔՊ-ական պատգամավոր Արմեն Խաչատրյան, Երեւանի փոխքաղաքապետ Սուրեն Գրիգորյան, վարչապետի խոսնակ Նազելի Բաղդասարյան և փաստաբան Ալեքսանդր Սիրունյան:
Ամենադիտված 
Նիկոլ Փաշինյանը քաղաքացուն առաջարկել է 250 միլիոնով գնել կառավարական ավտոմեքենան (լուսանկար)
