Անա դե Արմասը լուսանկարվել է Elle-ի համար և պատմել, թե ինչպես է Բեն Աֆլեքի հետ սիրավեպը ստիպել նրան հեռանալ Լոս Անջելեսից (լուսանկարներ)

Անա դե Արմասը լուսանկարվել է Elle-ի համար և հարցազրույց տվել ամսագրին։ Նա հիշել է Բեն Աֆլեքի հետ ունեցած սիրավեպը և մամուլի «սարսափելի» ուշադրությունը, որն այնուհետև սևեռվել է իր վրա: Նրանք հանդիպել են 2020 թվականին, իսկ հետո նրանց հաճախ են լուսանկարել պապարացիները՝ ամեն ինչ հայտնվել է «կադրի մեջ և ամսագրերի առաջին էջերում»՝ զբոսանքներից մինչև արձակուրդներ։ «Սարսափելի էր,֊
խոստովանել է դե Արմասը՝ հավելելով, որ այդ սթրեսը նաև դրական կողմ ունեցավ՝ դերասանուհին հասկացավ, որ Լոս Անջելեսում կյանքն իր համար չէ։

«Դա պատճառներից մեկն է, թե ինչու ես հեռացա Լոս Անջելեսից: Երբ ես այդ ամենը զգացի իմ մաշկի վրա, դա հաստատեց իմ մտքերը, որ Լոս Անջելեսն ինձ համար չէ»,֊ասել է դե Արմասը։ Այժմ դերասանուհին ապրում է Նյու Յորքում և փորձում է իր կյանքը հնարավորինս գաղտնի պահել։

Աֆլեքի և դե Արմասի սիրավեպը քննարկվել է 2020 թվականի մարտին այն բանից հետո, երբ նրանց նկատել են Կուբայում, որտեղ ծնվել է դերասանուհին։ Այդ տարվա ապրիլին համաճարակի ժամանակ Կոստա Ռիկա կատարած ուղևորությունից և Լոս Անջելեսում համատեղ կարանտինից հետո նրանք պաշտոնապես հայտարարեցին իրենց հարաբերությունների մասին: 2021 թվականի հունվարին հայտնի դարձավ, որ դե Արմասը և Աֆլեքը բաժանվել են։ Այդ ժամանակ Աֆլեքի մտերիմներից մեկը ասաց, որ զույգի խնդիրները «սկսվել են աշնանը», քանի որ նրանք գտնվում էին կյանքի «տարբեր փուլերում»:

Բաժանվելուց հետո և՛ Բենը, և՛ Անան նոր երջանկություն են գտել իրենց անձնական կյանքում։ Աֆլեքը վերադարձել է իր նախկին կնոջ՝ Ջենիֆեր Լոպեսի մոտ, իսկ դե Արմասը ընկերություն է անում Tinder-ի փոխնախագահ Փոլ Բուկադակիսի մոտ:

Այս թեմայով Բեն Աֆլեքը Մեթ Դեյմոնին մեղադրել է փնթիության մեջ Դերասանուհի Ջենիֆեր Գարներն առաջին անգամ հանրության մեջ հայտնվել է Բեն Աֆլեքի դստեր հետ Լոպեսը բացահայտել է, թե ինչ է ասել Աֆլեքը իր հարսանեկան ելույթում Ջենիֆեր Լոպեսն ու Բեն Աֆլեքը առաջին անգամ ժամադրվել են Բեն Աֆլեքը բացահայտել է՝ ինչու չի ամուսնացել Ջենիֆեր Լոպեսի հետ 2004 թվականին Լոպեսի և Աֆլեքի հարսանիքը վտանգված է Ջենիֆեր Լոպեսն ու Բեն Աֆլեքը իրենց երեխաների հետ Փարիզում են (լուսանկարներ) Քահանան բացահայտել է Լաս Վեգասում Ջենիֆեր Լոպեսի և Բեն Աֆլեքի հարսանիքի մանրամասները Ջենիֆեր Լոպեսն ու Բեն Աֆլեքը պատրաստվում են մեծ հարսանեկան տոնակատարություն կազմակերպել «Բենիֆեր»․ Ջենիֆեր Լոպեսն ու Բեն Աֆլեքն ամուսնացել են Լաս Վեգասում (լուսանկարներ)