«Պաշտոն, պաշտոն. ախր քաղցր բան է». Տիգրան Ուրիխանյանը՝ Արամ Սարգսյանի մասին

ԲՀԿ-ական պատգամավոր Տիգրան Ուրիխանյանը ֆեյսբուքյան իր էջում գրել է.

«Մի բան չի տեղավորվում տրամաբանության մեջ՝ ինչու է իրեն ընդդիմադիր հռչակած Արամ Զավենի Սարգսյանը, որն, ի դեպ, որևէ ընդդիմադիր գործառույթ չի իրականացնում արդեն շատ վաղուց, պարբերաբար «հակաեռյակային», «հակաբհկական» և շատ դեպքերում նաև ուղղակիորեն իշխանափոխություն հռչակած շարժման դեմ խոսում: Արդյո՞ք դա նշանակում է, որ նա գերադասում է այսօրվա իշխանությունների կայուն պահպանումը իշխանափոխությանը: Չէ՞ որ Սերժ Սարգսյանը ժամանակին հայտարարեց, թե «Արամ Սարգսյանն Աղդամի տեղն ի՞նչ իմանա, նա պատերազմի ժամանակ Աղդամում է՞ր, թե փեշի տակ էր»: Հիմա ի՞նչ է ստացվում, կարո՞ղ է փեշի տեղը փոխվել է:

Հոկտեմբերի 27-ից հետո, ունենալով բոլոր իշխանական, ուժային, վարչական, ֆինանսական լծակները, մարդը հանկարծակի նստեց վարչապետի պաշտոնին, իր ձեռքերում էր և գործի լիարժեք բացահայտման և ցանկացած գործողություն կատարելու հնարավորությունը, բայց դե պաշտոն, պաշտոն, ախր քաղցր բան է... Իսկ հիմա այդ պաշտոնի բարդույթի խնդիր կա երևի, ուրիշ բան տրամաբանությունը չի հուշում»:

Ստորև ներկայացնում ենք «Ռ-Էվոլյուցիայի» հաղորդումը, որի հյուրն էր «Հանրապետություն» կուսակցության քաղխորհրդի նախագահ, ՀՀ նախկին վարչապետ Արամ Զավենի Սարգսյանը: