«Այսպիսի ատելությամբ լի խոսքեր Ալիևի հասցեին դեռ չէի հանդիպել»
Բլոգոսֆերա
Ադրբեջանագետ Սարգիս Ասատրյանը ֆեյսբուքյան իր էջում գրել է.
«Այս տարի Բաքվում անցկացվելիք Եվրոպական խաղերը հիրավի ծանր բեռ են դարձել երկրի համար: Նախ ընդունող կողմը պետք է հոգա բոլոր մարզիկների ծախսերը: Բացի դրանից հսկայական գումարներ են հարկավոր ենթակառուցվածքները կարգի բերելու համար: Ըստ նախնական հաշվարկները այս ամենի համար Ադրբեջանը պետք է ծախսի մոտ ութ միլիարդ ԱՄՆ դոլար:
Մանաթի և նավթի գների կտրուկ անկումը փաստի առաջ են կանգնեցրել իշխող վարչակարգին: Իրոք հասարակական տրամադրությունները ավելի լավ հասկանալու համար պետք է նայել սոցցանցերում մարդկանց մեկնաբանություններին: Անկեղծ ասած այսպիսի ատելությամբ լի խոսքեր Ալիևի հասցեին դեռ չէի հանդիպել: Մարդիկ ի սրտե գրողի ծոցն են ուղարկում Եվրոպական խաղերն ու ալիևյան վարչակարգը: Մեկնաբանությունների հիմնական շեշտադրումները կայանում են նրանում, որ մարդկանց աշխատավարձերն ուշացնում են, կրճատում են, պետական շատ հիմնարկներում սկսել են ազատել աշխատանքից:
Բացի դրանից խոսվում է անտուն փախստականների խնդիրների մասին: Բայց ամենաօրիգինալ միտքն այն էր, որ Բաքվի շքեղ ապակյա շենքերի ետևում թաքնված է աղքատությունն ու դառը իրականությունը: Ահա այսպիսի տրամադրություններ են տիրում հարևան երկրում»:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
