Ռալֆ Յիրիկյանն ո՞ւմ է անհանգստացնում

Նարեկ Գրիգորյանը ֆեյսբուքյան իր էջում գրել է.

«Երևի վերջին տարիներին չի եղել որևէ մարդասիրական ու մշակութային գլոբալ ծրագիր, որին իր մասնակցությունը բերած չլինի Ռալֆ Յիրիկյանը: Բազմաթիվ բնակարաններ աղետի գոտու անօթևանների համար, մեծ ծրագրեր Արցախում, սահմանամերձ գյուղերում, «Ոսկե ծիրան» միջազգային հեղինակավոր կինոփառատոն, «Սպարտակ» բալետի բեմադրություն... Աջակցություն, բարեգործություն... Այլևսյլ բազմաթիվ նախաձեռնություններ, որոնք այս իսկական հային ու մարդուն դարձրել են ամենափնտրվածներից մեկը մեզանում: Եվ Ռալֆ Յիրիկյան անուն-ազգանունն արդեն դարձել է ազգային արժեքներից մեկը, որի հանդեպ օրավուր մեծանում է հարգանքը: Սակայն, պարզվում է, ոմանք խիստ գրգռվում են՝ լսելով նրա անունը, տեսնելով այն մեծածավալ աշխատանքները, որոնք կյանքի է կոչում նա՝ երբևէ չակնկալելով աղմուկ ու հիացական խոսքեր, երբևէ չսպասելով երախտագիտության խոսքեր:

Տեսակն է այդպիսին՝ ամեն ինչ անել լուռ, ինքն իր խղճի ու սրտի առջև պատասխանատու: Լինելով պաշտոնյա և չունենալով անձնական կուտակված ֆինանսական միջոցներ, նա կարողանում է իր գլխավորած ՎիվաՍել ՄՏՍ-ի օգուտներն ու շահույթները ծախսել նպատակային ձևով, ոչ թե մտածել գերշահույթների, այլ հայասատանցիների ու արցախցիների բարեկեցության մասին: Ուրեմն, իսկապես օրինակելի քաղաքացի, որից արժե սովորել, որին արժե հիշել միայն ու միայն խորին հարգանքով: ՎիվաՍել ՄՏՍ-ը տարեկան մեկ միլիարդ դրամի սոցիալական ծրագրեր է կյանքի կոչում՝ իր բաժանորդների թիվը հասցնելով երկու միլիոնի, ինչը բացառիկ հաջողություն է: Եվ հասարակության գիտակից շերտերն հենց այսպես են ընկալում նրան: Ռալֆ Յիրիկյանի և ՎիվաՍել ՄՏՍ-ի հաջողություններով տխրողներ էլ կան, որոնք շարունակում են ինչ-որ գրպանային լրատվամիջոցների էջերն օգտագործելով՝ դժգոհել վատ կապի, մատուցվող ծառայությունների անորակության մասին:

Երևի չկա առավել մեծ սուտ ու կեղծիք, քան այս օպերատորի կապից դժգոհելն է, որովհետև մասնագետներն են խոստովանում, որ Հայաստանում ՎիբաՍել ՄՏՍ-ը բարձրակարգ կապ ապահովողն է, այն ընկերությունն է, որը կարողացել է հուսալի լինել բոլորի համար: Հուսալիության երաշխքը բաժանորդների թվի աճն է: Ոչ ոք չէր նախընտրի մի օպերատորի, որը վատ ծառայություններ է մատուցում, մինչդեռ ՎիվաՍել ՄՏՍ-ն ամենաօրինակելիներից մեկն է: Ժողովուրդն ասում է՝ աշխատող ձեռքը չեն կտրում, աշխատողին չեն մրոտում: Ժամանակն է, որպեսզի որոշ պատվիրակատարներ հիշեն այս մասին»: