Գիտնականները տորնադոն ներսից տեսնելու հնարավորություն են ընձեռել

Ամերիկացի գիտնականներն ստեղծել են այն հուժկու տորնադոյի վիրտուալ եռաչափ մոդելը, որը 2013 թվականին ամայացրեց Օկլահոմայի նահանգի Մուր քաղաքը: Պտտահողմի ներս կարելի Է մտնել Oculus Rift վիրտուալ իրականության սաղավարտով, տեղեկացնում Է «Արմենպրես»-ը:

Աշխարհագրագետ Բիլ Քարստենեսենը՝ Վիրջինիայի Պոլիտեխնիկական ինստիտուտից, և նրա գործընկերները ռադարների տվյալների հիման վրա կառուցել են տորնադոյի եռաչափ մոդելը և զետեղել Օկլահոմայի թվային քարտեզի վրա: Պտտահողմը «հեռարձակվում Է» համալսարանի քառահարկ վիրտուալ թատրոնում, որտեղ դրա ներս կարելի մտնել՝ դնելով Oculus Rift սաղավարտը:

Համակարգի սարքաբերումները մարդուն վերածում են 2,1 մետր բարձրությամբ հսկայի: Օգտատերերը կարող են անցնել անձրևի պատի միջով և հասնել տորնադոյի Էպիկենտրոն: Սաստիկ տեղումների հատվածները նշված են կարմիր գույնով, թույլ անձրևի հատվածները՝ դեղինով: