Վահե Էնֆիաջյանը կհրաժարվի խորհրդարանական հանձնաժողովի փոխնախագահի պաշտոնից

Ազգային ժողովի ԲՀԿ խմբակցության պատգամավոր Վահե Էնֆիաջյանը ֆեյսբուքյան իր էջում գրել է. 

«Առաջիկայում տեղի կունենա Եվրոպական ինտեգրման հարցերի մշտական հանձնաժողովի նիստը, որի ընթացքում հրաժարվելու եմ հանձնաժողովի նախագահի տեղակալի պաշտոնից:

Որոշումս հիմնավորված է Ազգային Ժողովի «Բարգավաճ Հայաստան» խմբակցության քարտուղար ընտրվելու և դրանից բխող աշխատանքային ծանրաբեռնված գրաֆիկով:

Բարգավաճ Հայաստան խմբակցության նիստի ժամանակ հանձնաժողովի նախագահի տեղակալի պաշտոնի համար առաջարկելու եմ իմ գործընկեր Վահան Բաբայանի թեկնածությունը: Հավելեմ, որ այսուհետ իմ գործունեությունը շարունակելու եմ Արտաքին հարաբերությունների մշտական հանձնաժողովում»: