Գևորգ Ղազարյանը՝ Ալբանիայի հետ կայանալիք խաղի և Գաել Անդոնյանի մասին

Հայաստանի ֆուտբոլի ազգային հավաքականի ֆուտբոլիստ Գևորգ Ղազարյանը, անդրադառնալով Ալբանիայի հետ առաջիկա խաղին, նշել է.

«Ալբանիայի հավաքականը լուրջ մրցակից է ոչ միայն մեզ, այլ մնացած բոլոր հավաքականների համար: Միևնույնն է, թե ով է մրցակիցը. մենք պետք է հաղթենք: Ալբանիայի հավաքականը նման է մեր ընտրանուն` խաղում են այնպես, ինչպես մենք` նախորդ մրցափուլում: Բոլորս էլ պատասխանատու ենք հավաքականի արդյունքի համար»,- լրագրողների հետ զրույցում ասաց Ղազարյանը:

Անդրադառնալով թիմի նորեկ Գաել Անդոնյանին` Ղազարյանը հավելել է.

«Առաջին տպավորությունները լավն էին, զգացվում է՝ լավ որակներ ունեցող ֆուտբոլիստ է»: