«Ժողովուրդ». Դու հո քննիչ չե՞ս, քեզ ի՞նչ. «ԲՀԿ-ական Մելիք Մանուկյանը փողոցային բառապաշարով փորձում էր ինքնապաշտպանվել»

Երեկ ԱԺ ԲՀԿ խմբակցության պատգամավոր Մելիք Մանուկյանը՝ Շշի Մելոն, շատ վրդովված էր ու բոլոր լրագրողներին կոպտում էր, երբ նրանից փորձում էին պարզել, թե, ի վերջո, ինչո՞ւ մանդատից հրաժարվելու դիմում ներկայացրեց ԱԺ նախագահին, հետո փոշմանեց: Գրում է «Ժողովուրդ»-ը:

«Նա պատգամավորին ոչ հարիր փողոցային բառապաշարով փորձում էր ինքնապաշտպանվել, բայց չէր ստացվում:

-Պարոն Մանուկյան, ԱԺ ԲՀԿ խմբակցությունը հայտարարել է, որ այսուհետ ընդդիմադիր է լինելու խորհրդարանում, Դուք և՞ս ընդդիմություն եք ներկայանալու ԱԺ-ում:

-Ես ԲՀԿ անդամ եմ և ֆրակցիայից դուրս չեմ եկել, ֆրակցիան ոնց կորոշի, իմ դիրքորոշումը այդպես կլինի:

-Այդ դեպքում ինչո՞ւ էիք որոշել հրաժարվել Ձեր պատգամավորական մանդատից:

-Բայց դա իմ անձնական, իմ որոշման հարցն է, քեզ ի՞նչ: Ասում եմ՝ դա իմ անձնական որոշելիքն էր ես որոշել եմ ըտենց: Հիմար տեղեկություններ եք տարածում: Դու հո քննիչ չե՞ս, դա ինչ արել եմ, իմ անձնական մտածելակերպն ա, ու ես իրավունք ունեմ պաշտպանելու իմ մտածելակերպը:

-Ինչպե՞ս եք պատկերացնում Ձեր գործունեությունը գործարար-ընդդիմադիր կարգավիճակում:

-Ես գործարար չեմ, ես պատգամավոր եմ, ես որևէ խնդիր չունեմ կամ երբ եմ ունեցել, որ հիմա ունենամ: Ես չեմ կարծում, որ գործարարները որևէ անգամ խնդիր են ունեցել: Ես վերջացրեցի»:

Շարունակությունը՝ թերթի այսօրվա համարում