ՄԽ համանախագահները Վիեննայում քննարկել են տարեվերջին Սարգսյան-Ալիև հանդիպման հնարավորությունը
Արտաքին Քաղաքական
ԵԱՀԿ Մինսկի խմբի համանախագահները մարտի 31-ին Վիեննայում կայացած հանդիպման ժամանակ քննարկել են այս տարվա վերջին Հայաստանի Հանրապետության և Ադրբեջանի նախագահների միջև հանդիպում կազմակերպելու հնարավորությունը: «Արմենպրես»-ին այս մասին տեղեկացրին ԵԱՀԿ մամուլի ծառայությունից:
«Համանախագահներն իրենց եռամսյակային հանդիպումն են անցկացրել Մինսկի խմբի անդամների հետ Վիեննայում մարտի 31-ին: Նրանք գնահատականներ են տվել շփման գծում և հայ-ադրբեջանական սահմանի երկայքով ընթացիկ լարվածության բարձրացմանը և կարևորել վերջին ժամանակաշրջանում կողմերի հետ իրականացվող իրենց դիվանագիտական ջանքերը: Համանախագահները քննարկել են նաև այս տարվա վերջին նախագահների հանդիպման հնարավորությունը և անհրաժեշտությունը, որ կողմերը ներգրավվեն բանակցություններում, որը կարող է հանգեցնել համապարփակ խաղաղ համաձայնագրի կնքմանը»,- նշեցին ԵԱՀԿ մամուլի ծառայությունից:
Վիեննայում կայացած հանդիպմանը Մինսկի խմբի համանախագահները նաև ընդգծել են Մինսկի խմբի անդամների ու ԵԱՀԿ անդամ պետությունների դերը, որ կարող են ունենալ ժողովուրդների միջև խաղաղության և վստահության հաստատման գործում:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
