Chrysler-ը 150 մլն դոլար կվճարի Jeep Grand Cherokee ավտոմեքենայում 4-ամյա տղայի մահվան համար

ԱՄՆ-ի Դեկեյտերի օկրուգում (Ջորջիայի նահանգ) երդվյալների դատարանը Chrysler ավտոկոնցեռնին պարտավորեցրել է 150 միլիոն դոլար վճարել 4-ամյա տղայի ընտանիքին, որը զոհվել է կոնցեռնի արտադրած Jeep Grand Cherokee ավտոմոբիլում ճանապարհատրանսպորտային պատահարի ժամանակ, տեղեկացնում է «Արմենպրես»-ը:

Ապրիլի 2-ին երդվյալների կայացրած վճռի համաձայն՝ ավտոկոնցեռնը «բացահայտ արհամարհանք» Է դրսևորել իր սպասարկյալների կյանքի նկատմամբ, երբ Բեյնբրիջ քաղաքից (Ջորջիայի նահանգ) Ուելդոնների ընտանիքին Է վաճառել 1999 թվականի թողարկման ավտոմոբիլ՝ հետին կամրջակին ամրացված բենզաբաքով:

Երեք տարի առաջ Jeep-ը ենթարկվել Է ճանապարհատրանսպորտային պատահարի. հետևից ընթացող պիկապը չի հասցրել արգելակել և մխրճվել Է ավտոմոբիլի հետին դռան մեջ: Քանի որ հարվածը բաժին Է ընկել գործնականում բենզաբաքին, տեղի Է ունեցել պայթյուն: Հետին նստոցին գտնվող 4-ամյա Ռեմինգտոն Ուելդոնը փրկվելու նվազագույն իսկ շանս չի ունեցել:

Ինչպես նշում Է ՏԱՍՍ-ը, երկու տարի առաջ ԱՄՆ-ի իշխանությունների ճնշման ներքո Chrysler-ը հետ Է կանչել բենզաբաքի համանման տեղադրմամբ իր բոլոր մոդելները: Պաշտոնական վիճակագրության համաձայն՝ այդ ավտոմոբիլների մասնակցությամբ ճանապարհատրանսպորտային պատահարների ժամանակ բռնկած հրդեհների հետևանքով երկրում զոհվել Է առնվազն 75 մարդ:

Երդվյալների ժյուրին գտել Է, որ 4-ամյա տղայի մահվան մեջ 99 տոկոսով մեղավոր Է ավտոկոնցեռնը, որը պատրաստել Է այդ մոդելը և զոհվածի ընտանիքի անդամներին չի զգուշացրել նման կառուցվածքի վտանգավորության մասին: