Airbus А320-ի 2-րդ «սև արկղի» ձայնագրությունը հաստատում է, որ օդաչուն միտումնավոր է գործել

Ֆրանսիական Ալպերում մարտի 24-ին կործանված Airbus А320 ինքնաթիռի 2-րդ «սև արկղի» վերծանումը հաստատում է երկրորդ օդաչուի մեղավորությունը: Այս մասին ասվում է Տրանսպորտային պատահարների հետաքննությունների և վերլուծության ֆրանսիական բյուրոյի տարածած հաղորդագրությունում, փոխանցում է ՏԱՍՍ-ը:

«Ստացված առաջին տվյալները վկայում են այն մասին, որ օդաչուի խցիկում գտնվող օդաչուն հատուկ իջեցրել է և փոխել կարգավորումները, որպեսզի բարձրացնի արագությունն անկման ժամանակ»,- նշվում է փորձագետների հաշվետվությունում:

Ինքնաթիռի 2-րդ «սև ակղը» հայտնաբերվել է հինգշաբթի, որից հետո տարվել է Փարիզ՝ վերծանման համար:

Germanwings ավիաընկերության Airbus A320 ինքնաթիռը մարտի 24-ին կործանվել է ֆրանսիական Ալպերում: Բարսելոնայից Դյուսելդորֆ ուղևորվող ինքնաթիռում եղել է 150 մարդ: Նախորդ շաբաթ Մարսելի դատախազ Բրիս Ռոբենը «սև արկղից» ստացված տվյալների արդյունքներով հայտարարել էր, որ օդանավը, ըստ երևույթին, միտումնավոր կործանել է երկրորդ օդաչուն: Օդաչուն, ով միայնակ վերահսկել է Airbus A320-ն օդաչուների խցիկից օդանավի հրամանատարի դուրս գալուց հետո, հրաժարվել է բացել դուռը և սեղմել է կոճակը, որի պատճառով ինքնաթիռը սկսել է կտրուկ վար իջնել և ի վերջո կործանվել է: