Եմենից տարհանվածների թվում կան նաև Հայաստանի քաղաքացիներ
Աշխարհ
Ռուսաստանը շարունակելու է ապահովել Եմենում գտնվող իր քաղաքացիների անվտանգությունը, այդ թվում' տարհանման միջոցով: Ինչպես տեղեկացնում է «ՏԱՍՍ»-ը, այդ մասին շաբաթ օրը արաբական այդ երկրից ավելի քան 300 ՌԴ և այլ երկրների քաղաքացիներ տեղափոխող ինթնաթիռի Մոսկվա ժամանումից հետո հայտարարել է ՌԴ ԱԳՆ-ն: «ՌԴ-ն շարունակելու է անհրաժեշտ միջոցառումներ ձեռնարկել Եմենում մնացած իր քաղաքացիների անվտանգությունն ապահովելու համար, ներառյալ այդ երկրից նրանց տարհանման մեթոդը»,-ընդգծել են ՌԴ արտաքին քաղաքական գերատսեչության պաշտոնյաները:
ԱԳՆ-ում հիշեցրել են, որ համաձայն ռուսական իշխանությունների որոշման, ապրիլի 4-ին Եմենի Հանրապետությունից տարհանվել են ՌԴ, ԱՊՀ երկրների և մի շարք այլ պետությունների քաղաքացիներ: «Տարհանվածների թվում են, մասնավորապես, ՌԴ-ի 67 քաղաքացիներ, ինչպես նաև Բելառուսի, Ուկրաինայի, Ղազախստանի, Հայաստանի, Տաջիկստանի, Մոլդովայի, Ղրղզստանի, ինչպես նաև Կուբանի, Եգիպտոսի, Սիրիայի և Եմենի 245 քաղաքացիներ»-հայտնել են ԱԳՆ-ից:
ՌԴ ԱԳՆ-ից միաժամանակ հայտնել են, որ տարհանման գործընթացն իրականացվում է Սաուդյան Արաբիայի, Եգիպտոսի և Եմենի հետ ձեռք բերված պայմանավորվածության համաձայն:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
