Հոսպիտալացվել է ամերիկացի հռչակավոր երաժիշտ Բի Բի Քինգը

Ամերիկացի հռչակավոր երաժիշտ Բի Բի Քինգը Լաս Վեգասում հոսպիտալացվել է շաքարախտի սրման պատճառով: Այս մասին, ինչպես տեղեկացնում է «Արմենպրես»-ը, ապրիլի 6-ին հաղորդել է TMZ ինտերնետ-հրատարակությունը:

«Բլյուզի լեգենդ 89-ամյա Բի Բի Քինգը հիվանդանոց է ընդունվել ապրիլի 5-ին»,- տեղակացրել է հրատարակությունը:- Երաժշտի շրջապատի աղբյուրները նշում են, որ շտապ հոսպիտալացման պատճառն օրգանիզմի ջրազրկումն է երկրորդ տիպի շաքարախտի հետևանքով:

Բի Բի Քինգն այս հիվանդությամբ տառապում է արդեն ավելի քան 20 տարի: 2014 թվականի հոկտեմբերին նա հարկադրված էր դադարեցնել համերգային գործունեությունը «բժշկական նկատառումներով»:

Բի Բի Քինգին հռչակ են բերել այնպիսի կոմպոզիցիաների սեփական մեկնաբանությունները, ինչիսիք են "3 O'Clock Blues"-ը, "The Thrill Is Gone"-ը, "Every Day I Have The Blues"-ը և շատ այլ գործեր: Նա արժանացել է անհամար պարգևների, այդ թվում՝ «Գրեմմի»-ի մի քանի մրցանակների, հաղորդել է ՏԱՍՍ-ը: