60-ամյա նորվեգուհին համաշխարհային ռեկորդ է սահմանել՝ 60-ժամ նվագելով երգեհոնով

Նորվեգացի երգեհոնահարուհի Նինա Իրսլինգերը սահմանել է այս գործիքով նվագելու տևողության համաշխարհային ռեկորդ՝ ստեղնաշարի առջև անցկացնելով 60 ժամ: Այս մասին, ինչպես տեղեկացնում է «Արմենպրես»-ը, հաղորդել է Նորվեգիայի հեռուստառադիոհաղորդումների կորպորացիան:

Նոր համաշխարհային ռեկորդի հեղինակը, ռեկորդ, որը շուտով պետք է գրանցվի Գինեսի ռեկորդների գրքում, եկեղեցու երգեհոնի ստեղնաշարի առջև է դիմավորել իր ծննդյան 60-ամյակը՝ վաղօրոք որոշելով, որ նվագելու յուրաքանչյուր ժամը կնվիրի կյանքի ապրած մեկ տարուն: Իրսլինգերի խոսքով, որը կարճատև դադարներ է տվել ուտելու և հանգստանալու նպատակով, իր համար ամենաբարդը եղել է առանց քնի մնալը: Երկու գիշեր անընդմեջ նա իրեն թույլ է տվել նիրհել սոսկ 35-ական րոպե: Կնոջը քաջալերել են հարազատները, բարեկամները և Նորվեգիայի Արենդալ քաղաքի Սուրբ Երրորդության եկեղեցու ծխականները, որն ընտրվել է համերգի համար:

Չնայած այն բանին, որ Իրսլինգերը, որն այժմ դպրոցում ուսուցչուհի է աշխատում, հոգևոր երաժշտության կատարման հարուստ փորձ ունի, գրեթե եռօրյա կատարման համար ընտրել է Beatles-ի, Bee Gees-ի, ամերիկացի երգիչ Պրինցի և Secret Garden նորվեգա-իռլանդական դուետի ստեղծագործությունները, հաղորդել է ՏԱՍՍ-ը: