Ֆրանսիայում ինքնասպան է եղել սոցիալիստ սենատոր Ժան Ժերմենը

Ֆրանսիայի Սոցիալիստական կուսակցությունից սենատոր Ժան Ժերմենը ինքնասպանություն է գործել կոռուպցիայի գործով նիստի սկսվելուց առաջ, որում նա մեղադրյալն է, տեղակացնում է «Արմենպրես»-ը՝ հղում անելով BBC-ին:

Դատը պետք է սկսվեր ապրիլի 7-ին:

Հետաքննության տվյալներով՝ 67-ամյա քաղաքական գործիչը ներքաշվել էր չինացի ընտանեկան զույգերին անօրինական ծառայություններ մատուցելու մեջ, որոնք ցանկանում էին ամուսնությունը վերակնքել Ֆրանսիայի պատմական վայրերում:

Ժերմենը մահից առաջ գրություն է թողել, որում ժխտում է իր մեղքը:

Նա նաև գրել է, որ ԶԼՄ-ների և իրավական համակարգի կողմից հալածանքներն են իրեն դրդել գնալու այդ քայլին: