Մարին Լը Պենը հայտարարել է, որ «Ազգային ճակատը» կպաշտպանի իր հորից

Ֆրանսիայի «Ազգային ճակատ» (FN) աջ ծայրահեղական կուսակցության առաջնորդ Մարին Լը Պենը մտադիր է «իր կուսակցության քաղաքական շահերը պաշտպանել» իր հոր՝ կուսակցության հիմնադիր Ժան Մարի Լը Պենի գործողություններից, տեղեկացնում է «Արմենպրես»-ը:

«Ինչպես երևում է, Ժան Մարի Լը Պենը մտել է խանձված հողի ռազմավարության և քաղաքական ինքնասպանության միջև ընկած գալարը: Նկատի առնելով այս իրադրությունը՝ ես Ժան Մարի Լը Պենին իրազեկում եմ, որ ապրիլի 17-ին կուսակցության քաղբյուրոյի նիստի ընթացքում հանդես կգամ Պրովանս-Ալպեր-Լազուր ափ տարածաշրջանում տարածարջանային ընտրություններին մասնակցելու համար նրա թեկնածության դեմ»,- ասված է Մարին Լը Պենի՝ ապրիլի 8-ին հրապարակված պաշտոնական հաղորդագրության մեջ:

Ազգային ճակատի ղեկավարը նշում է, որ կուսակցության պատվավոր նախագահի կարգավիճակը, որը շնորհվել է իր հորը, նրան իրավունք չի տալիս կազմակերպությունը դարձնելու բիրտ սադրանքների պատանդ:

«Ես մեծ տխրությամբ հարկադրված եմ օպերատիվ կերպով գումարելու քաղաքական խորհրդի նիստ՝ քննարկելու, թե մենք ինչպես ավելի լավ կկարողանանք պաշտպանել «Ազգային ճակատի» քաղաքական շահերը»,- նշել է Լը Պեն դուստրը:

Անցյալ շաբաթ Ժան Մարի Լը Պենը կրկին գրավել է զանգվածային լրատվամիջոցների ուշադրությունը՝ կրկնելով իր հանրահայտ արտահայտությունն այն մասին, թե գազախցիկները եղել են Երկրորդ համաշխարհային պատերազմի սոսկ «դետալը»: Փարիզի դատախազությունը ֆրանսիացի քաղաքական գործչի նկատմամբ նախնական հետաքննությունն է սկսել մարդկության դեմ հանցագործությունների վիճարկման գործով, իսկ Լը Պենի դուստրը՝ Մարինը, կատեգորիկ անհամաձայնություն է հայտնել հոր դիրքորոշմանը, հաղորդել է ՌԻԱ Նովոստին: