Հոուշիների դատարանը մահապատժի է դատապարտել Եմենի նախագահին
Աշխարհ
Եմենի կառավարական ուժերի դեմ պայքարող «Անսար Ալլահ» (հոուշիներ) խմբավորման հսկողության տակ գտնվող Սանայի անվտանգության դատարանը «պետական դավաճանության համար» մահապատժի է դատապարտել երկրի նախագահ Աբդ Ռաբբո Մանսուր Հադիին։ Այս մասին տեղեկացնում է «Սինհուա» գործակալությունը։
Ինչպես հաղորդում է ՏԱՍՍ-ը, նա, ինչպես նաև այլ 6 պաշտոնյաներ դատապարտվել են նաև Սաուդյան Արաբիայի և դրա դաշնակիցների հետ համագործակցության համար։
Դատարանի որոշումը հրապարակվել է Եմենի հոուշիների դեմ Սաուդյան Արաբիայի գլխավորած կոալիցիայի ռազմաօդային ուժերի գործողությունների սկզբի 2-ամյակի նախօրեին։
Ինչպես տեղեկացրել է SABA գործակալությունը, «միլիոնավոր եմենցիներ այսօր զանգվածային հանրահավաքի են դուրս եկել Սանայի կենտրոնի Սաբին հրապարակ, որպեսզի նշեն սաուդական ագրեսիային դիմադրության երկրորդ տարելիցը»։
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
