Օզիլը գերազանցեց Կանտոնայի ցուցանիշը (տեսանյութ)

Անգլիայի առաջնության 30-րդ տուրում «Արսենալ»-ը 3:0 հաշվով հաղթել է «Ուոթֆորդ»-ին:

Հանդիպմանը Մեսութ Օզիլը գոլային փոխանցման հեղինակ է դարձել. ֆուտբոլիստը արդյունավետ փոխանցում է կատարել Շկոդրան Մուստաֆիին:

Արդյունքում 29-ամյա ֆուտբոլիստը Պրեմիեր լիգայում 50 գոլային փոխանցում է կատարել 141 խաղում. սա լավագույն արդյունքն է: Այս մասին տեղեկացնում է Opta Sports-ը:

Պրեմիեր լիգայում այս ցուցանիշով Օզիլը գերազանցեց «Մանչեսթեր Յունայթեդ»-ի նախկին ֆուտբոլիստ Էրիկ Կանտոնային, ով 50 արդյունավետ փոխանցման սահմանագիրը հատել է 143 խաղում: