Արամ mp3-իի պարզաբանումը՝ սկանդալային հաղորդման մասին
ՀայաստանԲարև բոլորին։ Ժողովուրդ ջան, անկեղծ նման մեծ աղմուկ չէի սպասում հանրությունից ու ԶԼՄ-ներից՝ մեր վերջին եթերի կապակցությամբ: Ուզում եմ հստակ պատասխանել ինձ ուղղվող հարցերին. մեր բոլոր հյուրերին մենք նախօրոք տրամադրում ենք այն հարցերը, որոնք հնչելու են հաղորդման ընթացքում, սակայն մոնտաժի իրավունքը պատկանում է հաղորդման ստեղծագործական թիմին միայն և երբեք որևէ մեկին ոչինչ չենք խոստանում, քանի որ հաղորդման իմպրովիզացիոն բնույթն ու սպոնտանությունը հենց հաղորդման հանգույցն են ու հաջողության գարավականը: Մենք մեծապես հարգում ենք բացառապես մեր բոլոր հյուրերին՝ անկախ հաղորդման հումորային ձևաչափից: Մեզնից որևէ մեկը եթերում միտում չի ունեցել երբևէ որևէ մեկին նեղացնելու: Եթե ստեղծվել է նման թյուր կարծիք կամ մեր հաղորդումը դիտարկվել է այդպես, ապա վստահ եմ, որ գոնե այս տողերից հետո մարդիկ կհասկանան դա այդպես չէ: Հուսանք ըմբռնումով ու ներողամտորեն կմոտենաք: Մենք սիրում ենք մեր հանդիսատեսին ու պատրաստում ենք հաղորդում Ձեր ժամանցը հետաքրքիր դարձնելու համար:
Ուզում եմ վստահեցնել, որ թե վերջին հաղորդման ընթացքում և թե նախորդ հաղորդումներում, ես և հաղորդման ստեղծագործական կազմը միտում չենք ունեցել վիրավորելու որևէ մեկին։
Հիշեցնենք, որ «Լավ երեկո» հաղորդման վերջին թողարկումը լայն քննարկման առարկա էր սոցցնցերում: Օգտատերերը իրենց արդարացի բողոքն էին հայտնում այն մասին, որ հաղորդման լրագրող Արուս Տիգրանյանը ծաղրում է բանտի կանանց, իսկ Ավետ Բարսեղյանը՝ «Միսս Հայաստան»-ի հաղթող գեղեցկուհուն;
Նկատենք նաև, որ այս հարցի շուրջ իր կոշտ գնահատականն է հայտնել նաև ՀՀ Արդարադատության նախարար Դավիթ Հարությունյանը, նշելով, որ ինքը հարցը կքննարկի Հ1-ի ղեկավար կազմի հետ:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
