«Արսենալ»-ը Եվրոպայի լիգայի քառորդ եզրափակչում է (տեսանյութ)

Եվրոպայի լիգայի 1/8 եզրափակչի պատասխան խաղում Լոնդոնի «Արսենալ»-ը հյուրընկալեց «Միլան»-ին և առավելության հասավ 3:1 հաշվով:

Արդյունքում Արսեն Վենգերի թիմը դուրս եկավ մրցաշարի քառորդ եզրափակիչ փուլ:

Հանդիպման 35-րդ րոպին իտալական ակումբին հաշվի մեջ առաջ մղեց Հաքան Չալհանօղլուն:

Պատասխան գոլը 4 րոպե անց 11 մետրանոց հարվածից խփեց Դանի Ուելբեքը: 71-րդ րոպեին Գրանիտ Ջական «զինագործներին» գոլային առավելություն բերեց, իսկ 86-րդ րոպեին Ուելբեքը իր երկրորդ գոլը խփեց այս խաղում:

Հայաստանի հավաքականի ավագ Հենրիխ Մխիթարյանը լոնդոնցիների մեկնարկային կամզում էր և փոխարինվեց 69-րդ րոպեին:

Հիշեցնենք, որ թիմերի միջև առաջին խաղում անգլիական ակումբը հաղթել էր 2:0 հաշվով, իսկ Հենրիխ Մխիթարյանը դարձել էր գոլի հեղինակ:

 Լուսանկարը՝ Reuters-ի