Դեպարդիեն քվեարկել է «Ռուսաստանի նկատմամբ ունեցած սիրո զգացումով» (լուսանկարներ, տեսանյութ)
ՏեսանյութերՀայտնի ֆրանսիացի դերասան Ժերար Դեպարդիեն, որը Ռուսաստանի քաղաքացիություն ունի, քվեարկեց Ռուսաստանի նախագահի ընտրություններին, հայտնում է ՌԻԱ Նովոստին։
Դեպարդիեն քվեարկել է Փարիզում Ռուսաստանի դեսպանատանը տեղակայված ընտրատեղամասում։
Նա ընտրատարածք է եկել ժամը 10:20–ին կաշվե բաճկոնով և արևային ակնոցով՝ չնայած նրան, որ Ֆրանսիայի մայրաքաղաքում վատ եղանակ է և արև չի նկատվում։
Այն հարցին, թե ինչ զգացումով է նա իր քաղաքացիական պարտքը կատարում, դերասանը պատասխանեց, որ «Ռուսաստանի նկատմամբ ունեցած սիրո, հայրենասիրության զգացողությամբ»։ Հիշեցնենք, որ ֆրանսիացի դերասանը 2013 թվականին էր ստացել իր ՌԴ անձնագիրը։
Հիշեցնենք նաև, որ այսօր` մարտի 18-ին, Ռուսաստանում նախագահի ընտրություններ են անցկացվում, բացվել է ավելի քան 97 հազար ընտրատեղամաս, որոնցից ավելի քան 400–ը` երկրի սահմաններից դուրս։
Քվեարկության ընթացակարգին հետևում է մոտ 1.5 հազար միջազգային դիտորդ 109 երկրից։
Ռուսաստանի նախագահի պաշտոնին հավակնում է 8 թեկնածու։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
